Aruba ta stop e air bubble cu Corsou y Bonaire entrante dialuna

ORANJESTAD – Entrante dialuna proximo 31 di augustus, Aruba ta stop e bubble entre Aruba y e islanan Bonaire y Corsou. Esaki ta nifica cu tur pasahero di e dos islanan aki cu bishita Aruba, tin cu test sea prome of ora cu nan yega Aruba,y tin cu cera un seguro di COVID19 manera tur otro bishitante di otro paisnan ta cera. Prome cu esey, Aruba a permiti e ‘bubble aereo’ cu ta nifica cu e pasaheronan cu tabata bin di e dos destinacionan aki no mester a test ni bay den cuarentena ni cera seguro. Esaki ta stop entrante dialuna awor, pa un periodo di 2 siman.