Gobierno ta reintroduci Toque de Queda na Aruba diabierna

ORANJESTAD – Gobierno a anuncia atrobe cu lo introduci Toque de Queda atrobe entrante diabierna marduga, pa un periodo di dos siman. Esaki lo ta entre 12’or di mei anochi pa 5’or di marduga. Asina prome minister Evelyn Wever a anuncia diaranson anochi durante e briefing di COVID19. Tambe pa e periodo aki, no ta permiti casnan tin bishita di mas di 4 persona den cas y evita fiesta. Esaki tambe ta pa dos siman. Ademas lo pidi doñonan di tienda pa tene cuenta pa e 25% di e casonan cu ta pega na pia di trabou, pa haci lo suficiente pa esaki keda menos.

REPARTICION DI PROBLEMA

Prome minister di Aruba Evelyn Wever a informa cu 25% di esnan cu ta contagia awor, no sa e origen. Como tal a bin bek cu e Toque de Queda, pa evita e parti ey. E otro 25% ta pega na pia di trabou, pa cual a pidi doñonan di trabou pa tene cuenta cu esaki. Y e otro 50% cu ta keda, ta pegando na cas mes. Pesey a bin cu e medida pa no permiti mas cu 4 persona na bishita na cas of evita fiesta. Lo no tin control di polis pa esaki, pero ta conta cu e sentido civico di personanan.