AZV no ta logra paga dunadornan di cuido nan placa completo e luna aki

ORANJESTAD – Dunadornan di cuido medico e luna aki no ta bay haya nan pago completo. Esaki debi cu gobierno no a cumpli 100% cu su obligacionan pa cu AZV pa luna di augustus. Consecuentemente AZV den un carta pa e dunadornan di cuido, a informa cu por paga nan solamente 75% di e total, kitando e 5.5%  cu mester kita tur luna segun peticion di Hulanda. Mientras cu posiblemente e no ta zona hopi, for di algun di e dunadornan di cuido, e portal aki a compronde cu e ta hinca nan den un situacion ‘hopi fastioso’. Fastioso ya cu hopi lo no por paga nan gastonan mensual, manera operacional cu ta inclui tambe salario. 

SITUACION

Mester tene cuenta cu p.e. importadornan di remedi ta permiti pa bende un remedy 30% mas caro pa por tin e ganashi. Si un producto costa p.e. 70 florin, e importador por bende pa 100 florin. Di e 30 florin ey di ganashi, e tin cu paga tur su gastonan. Gastonan manera salario, electricidad, auto, distribucion y mas. Awor AZV ta paga 25% menos. Pues envez di 100 florin, bo ta haya 75 florin ( y no lubida e reduccion extra di 5.5%), cu ta nifica cu no ta keda nada pa paga salario of otro gastonan. Pues por mira cu e situacion ta uno hopi fastioso pa e dunadornan di cuido medico. Lesa e carta AKI.