Renaissance Aruba Resort & Casino ta ricibi e premio di ‘BEST OF THE BEST’

(ADVERTORIAL)

ORANJESTAD, Augustus – Renaissance Aruba Resort & Casino ta conoci pa ta lider den ofrece experencianan sin ingual na biaheronan rond mundo. Recientemente TripAdvisor a anuncia e resultadonan pa 2020 di nan ‘Travelers Choice Awards’ nombrando asina Renaissance Aruba Resort & Casino den e categoria di ‘Top 25 Most Saved Hotels’ mientras cu Renaissance Aruba su restaurantnan, Okeanos Spa y e tan admira Renaissance Private Island a ricibi nan distinguido premio den nan categoria.

E aña aki TripAdvisor a añadi un categoria nobo na nan lista di ‘Travelers’ Choice Awards’. E categoria di ‘Most Saved Hotels’ ta un compilacion di hotelnan rond mundo cu biaheronan ta pone riba nan ‘bucket-list’ pa bishita. Asina a crea un top 25, unda cu Renaissance Aruba Resort & Casino a posiciona su mes na puesto number 18 for di 1.4 miyon hotelnan rond mundo y e unico pa Aruba registra riba TripAdvisor. Renaissance Aruba a sa di destaca y deferencia cu nan servicio impecabel, acomodacion incomparabel y e flamingonan cu ta un atraccion sin igual cu renombre mundial.

Di acuerdo cu sr. Paul Gielen, General Manager di Renaissance Aruba Resort & Casino; “Nos ta sumamente orguyoso cu Renaissance Aruba ta riba e lista ‘Best of the Best’ di TripAdvisor. Nos niun por a imagina cu 2020 lo bai ta asina, sinembargo un nombramento manera e ‘Best of the Best’ ta confirma cu nos ta riba e bon caminda y cu nos huespednan ta ansioso pa biaha y bishita Aruba bek. Danki ta bai na tur esnan cu a pone Renaissance Aruba riba nan lista pa biaha y cu nos por spera di yama cada un Bon Bini na Aruba y nos hotel”.

No por keda sin menciona cu Renaissance Private Island a encabesa e lista na puesto number uno como e mihor atraccion na Aruba, esaki ta danki na e flamingonan cu ta hasi e experencia riba e isla inolvidabel. Na su turno tambe L.G. Smith’s Steak & Chop House, Fresco y Aquarius a domina e lista den e categoria di ‘Aruba’s Best Restaurants’. Sin lubida riba Okeanos Spa cu a posiciona su mes na puesto number 2 como e mihor spa na Aruba, completando asina un total di 6 premio pa Renaissance Aruba Resort & Casino.