Oduber: Lekmento di documento di COVID orchestra pa AVP

ORANJESTAD – Apenas un par di dia despues cu DVG a anuncia cu nan ta entrega keho na OM pa leakmento di lista confidencial di pashentnan di COVID19 na Aruba, ya minister di salud Dangui Oduber ta mustra cu ‘tin varios cos cu no ta klop den e lekmento di informacion’. Esey tabata palabranan di e mandatario den un comunicado, esta e parti cu ‘tin varios cos cu no ta klop’. No ta conoci si e mandatario ta papia a base di e resultado preliminar (asina lihe) of si esaki ta su interpretacion di cierto cosnan. “Nos no por permiti pa politica partidista di AVP infiltra den maneho di e Crisisteam”, e mandatario ta sigui bisa. 

ORKESTRA PA AVPLoke ta mas ‘interesante’ ta cu e mandatario ta indica caba “ con henter e lekmento di informacion a ser orkestra pa AVP, pasobra coincidenca no ta existi (‘Toeval bestaat niet’)” e mandatario ta bisa den su comunicado. “Nos na tur momento a tene politica pafor di maneho di crisis” e mandatario ta sigui bisa. Oduber ta referi na e hecho cu partido AVP a organisa un cumbre politico diahuebs ultimo y ya pa diasabra siguiente informacionnan a cuminsa lek. “Tin tur indicacion cu politica a infiltra den maneho di e Crisisteam y cu esaki a ser orkestra pa AVP. Ta di spera cu esun cu a lek e informacionnan no a haci esaki pa motibonan politico” Oduber ta sigui bisa. 

MINISTERIO PUBLICO

Den un reaccion inicial di ministerio publico na noticiacla, e vocero Ann Angela a confirma cu a ricibi e keho di director di DVG y a pasa e keho pa cuerpo policial cu lo continua cu e invetigacion necesario. Asina e proceso ta cana normal segun Angela. Lesa e comunicado completo di Oduber AKI.