Pareha Belgo pega na Aruba pa 6 luna debi na COVID-19

ORANJESTAD – Un pareha Belgo a keda pega na Aruba 6 luna debi na COVID-19. Finalmente nan a logra bandona e isla siman pasa riba e ultimo buelo di TUI (cu tambe a cancela tur su buelonan). Nan mester a prolonga nan vacacion di 3  siman pa 6 luna, debi cu 5 biaha, a cancela e buelonan debi na e pandemia. Asina mes nan tabatin palabra di elogio pa Aruba.  

E PAREHA

E pareha taRonald Snauwaert y Gerda De Decker di Sleidinge cerca di Ghent. Nan a bandona Belgica dia 3 di maart ultimo. Cada bez tabata purba biaha, e buelo tabata cancela. Afortunadamente e pareha a keda cu amigonan pa henter e periodo di 179 dia. Nan yiu a cuida nan cas y jardin y e abuelonan tabata papia cu nan vida zoom y whatsapp. Bek na Belgica, e pareha ta den cuarentena di 14 dia pa despues nan atende casamento di nan yiu muher dia 5 di September proximo. Nan a gusta e isla bunita di Aruba y a considera e situacion na Belgica mas pio pasobra el a afecta mas hende eynan cu na Aruba, segun e pareha. Potret cortesia Walter Sietinga / Pexels