Pareha Real den problema pa potret durante vacacion na Grecia

AMSTERDAM – Rey Willem Alexander y Reina Maxima a haya problema durante nan vacacion na Grecia ora cu un potret cu nan ta aparece ariba, a bira publico. Esaki pasobra nan lo no ta ‘practicando’ distanciamento social. Riba su mes, nan dos ta ok, pero como cu tabatin un di tres persona ariba, e la manda e mensahe robez. De hecho, e pareha a disculpa nan mes y a bisa cu corectamente nan mester sa miho pero cu e momento a sosode den ‘un momento espontaneo’, y a pidi disculpa. E persona hunto cu e pareha Real, ta doño di e restaurant unda cu e pareha a come. Un detaye curioso ta cu den man di e Rey, e tin e ‘tapaboca’. Segun e pareha Real, ora cu bo ta riba vacacion, tambe bo mester sigui reglanan di coronavirus, pa asina contene esaki. Y den e caso aki, e pareha ta un ehempel di comunidad y un modelo y como tal, nan actuacion, ta importante y mester semper duna e bon ehempel.