Cantidad di caso positivo pa COVID19 a surpasa 1500 na Aruba

ORANJESTAD – E cantidad di casonan total positivo pa COVID-19 na Aruba a surpasa 1500 diasabra. Mientrastanto e cantidad nobo pa awe positivo pa COVID19 riba un dia tabata 70. Tambe esnan cu a recupera extra pa awe ta 31 y e total di test haci tabata 357.

HOSPITALISACION

Diabierna anochi DVG y premier Evelyn Wever Croes a bisa e portal aki cu tin 60 lugar pa pashent di COVID-19 destina na Hospital. Esaki ta ubica completamente riba piso 3. Mientrastanto e cantidad di espacio usa ta 25. Y tin 5 persona cu COVID19 den ICU (Cuido Intensivo). E edadnan no ta conoci. Si bay tras di e informacion ricibi, esaki kier men cu tin 35 lugar ainda pa pashentnan di COVID19. Pero a compronde cu si mester aumenta esaki, lo haci esey, pero cu consecuencia cu e cantidad pa pashent ‘regular’ lo keda afecta.