Warda Costa a intercepta boto cu 14 indocumenta Venezolano yegando Aruba

ORANJESTAD – Warda Costa di Caribe a intercepta un boto cu 14 indocumentado a bordo procedente di Venezuela. E forma con e boto tabata nabega den direccion di Aruba for di awa territorial Venezolano, tabata suficiente pa drenta den accion. Na yegada di e boto, a encontra esaki den mal estado, cu e 14 indocumentadonan abordo, y varios bestia. Entre nan un gai di pelea,, 19 papagayo, y un pakete cu posiblemente productonan steroid. A detene tur e Venezolanonan indocumenta y a pasa nan pa Warda Nos Costa y KPA. Servicio veterinario a confisca e bestianan.