DVGl: Casonan positivo di COVID-19 bou di e mesun dak ta sigui crece

ORANJESTAD - Casonan positivo di COVID-19 bou di e mesun dak ta sigui crece. Asina Departamento di salud DVG ta bisa diabierna. Resultadonan di testnan di Covid ta indica cu famianan cu ta biba cu e Covid patientnan bou un dak, ta pegando cu e virus y ta test positivo, e asina yama “tweede kring”. Esaki a wordo anticipa segun DVG.  Esaki ta e motibo pakico ta importante pa tur cu ta biba den un cas cu un persona positivo, mantene su mes na e protocol di cuarentena obligatorio.

Na momento cu un persona wordo diagnostica positivo, tur esnan den e cas ta automaticamente den cuarentena obligatorio cuminsando cu 7 dia y na prome señal di sintoma mester yama dokter di cas pa por haci un test.