Corte a prohibi gobierno usa incinerator por lo pronto na Dump

Corte a prohibi gobierno usa incinerator por lo pronto na Dump

Posted on 08/21/2020 11:48 am AST | Updated on 08/21/2020 11:52 am AST

ORANJESTAD – Corte diabierna a prohibi gobierno di Aruba pa continua cu e proyecto di incinerator na dump na Parkietenbos. Por lo pronto te ora cu tin un asina yama ‘hindervergunning’ emiti. Pero ni e ora ey, e ta algo sigur segun abogado Desiree Croes na e portal aki, ya cu tin cu cumpli cu un sin fin di condicion. Pa aworaki, riba peticion di e conocido ciudadano Anouk Balentina, e incinerator (cu mester procesa sushi riba dump) no por wak luz di dia. Por mira e sentencia AKI

  • OM: Chens te november 2020 pa paga multa di Toque de Queda

    OM: Chens te november 2020 pa paga multa di Toque de Queda

    ORANJESTAD - Ministerio Publico ta informa cu personanan cu a haya un boet durante e prome Toque de Queda (TdQ) y no a page ainda, tin chens te prome di november 2020 pa paga esaki of pa yega na un arreglo di pago. Ta trata aki di personanan cu a haya un transaccion den e periodo di 2 di april 2020 te 28 di mei 2020 pa motibo cu nan no a tene nan mes na orarionan di TdQ. E comunicado no ta bisa cuanto hende ainda no a paga esaki si. 

  • OM: No tin suficiente base legal pa multa hende durante Toque de Queda awor

    OM: No tin suficiente base legal pa multa hende durante Toque de Queda awor

    ORANJESTAD – “ (Ministerio Publico) no ta mira suficiente base legal pa multa hende den e avondklok actual bao di e omstandigheidnan actual (cu ta otro cu biaha pasa)”. Asina vocero di Ministerio Publico, Ann Angela a confirma pa noticiacla.com diasabra. Esaki ta relaciona cu e hecho cu e di dos anochi di Toque de Queda no a sigui, ora cu polis a keda informa cu nan no por detene ningun hende pa e motibo ey. Intento pa haya reaccion di tanto prome minister di Aruba Evelyn Wever Croes como minister di husticia Andin Bikker, no tabata exitoso ainda. 

  • OM: Esun responsabel pa publica lista di DVG por haya castigo di prizon of multa

    OM: Esun responsabel pa publica lista di DVG por haya castigo di prizon of multa

    ORANJESTAD - E ciudadando cu intencionalmente publica of plama informacion secreto, perhudicando otro hende, tambe ta comete un hecho castigable. Asina Ministerio Publico a bisa diamars den un declaracion riba nan pagina di Facebook. Den e caso aki ta referi na e documento cu a leak di e pashentnan cu a haci test di COVID-19 na Aruba. 

  • Aruba Offroad Foundation a perde caso contra FPNA

    Aruba Offroad Foundation a perde caso contra FPNA

    ORANJESTAD - Aruba Off Road Foundation (AORF) a perde su caso contra Parke Arikok y gobierno di Aruba. E fundacion cu ta consisti di un cantidad di operador di vehiculo special (ATV), a haci peticion na huez pa e.o. prohibi Fundacion Parke Nacionakl Aruba (FPNA) pa ehecuta e documento di maneho di mei ultimo riba e impacto cu e vehiculonan di motor tin riba naturalesa te ora cu den un caso di profundidad determina e legalidad di e documento. Tambe e fundacion a pidi huez pa prohibi gobierno aproba e plan en cuestion. Huez a mira e caso diferente y a dicta contra e peticion di e fundacion. Lesa e sentencia AKI. 

  • OM: Autoridad a haci inval na dos adres relaciona cu caso Flamingo

    OM: Autoridad a haci inval na dos adres relaciona cu caso Flamingo

    ORANJESTAD – Autoridad a haci inval na dos diferente lugar dialuna mainta, relaciona cu e caso di Flamingo. Asina vocero di ministerio publico Ann Angela a confirma dialuna mainta. E inval tabata na dos lugar, esta un residencia y e adres di trabou di e persona en cuestion, cu e resulta di ta nada menos cu Cocoloshi (Bestuurskantoor). A compronde cu ta trata di un persona yega na e ex politico Otmar Oduber cu ta un sospechoso den e caso aki. E caso di Flamingo a bira conoci un tres siman atras ora cu riba un mainta, a haci varios inval na varios cas y negoshi, entre nan di e ex politico Oduber. Ta trata di otorgamento ilegal di tereno di gobierno den un periodo durante cual e ex politico tabata minister. 

  • OM: Investigacion Latin Passion Bar ta andando

    OM: Investigacion Latin Passion Bar ta andando

    ORANJESTAD - Ministerio Publico a informa diabierna atardi, cu e investigacion di e sucedidonan riba 22 di juli 2020 na Latin Passion Bar na San Nicolas, ta andando ainda. E investigacion aki lo tabatin hechonan castigable cu a keda cometi. 

  • Powered by SETAR