Un di e sospechosonan di atake na Paris a entrega su mes

PARIS – E sospechoso mas hoben den e atake brutal na un oficina di e corant satirico Charlie Hebdo na Paris a entrega su mes awe nochi, segun polis frances a confirma. E otro dosnan (nan tabata tres) ainda ta fugitivo, arma, y peligroso. Mes momento autoridad frances a identifica e tres sospechosonan, responsabel pa a tira y mata 12 persona awe den e oficina periodistico satirico. E sospechosonan ta Said Kouachi y Cherif Kouachi, dos ruman y esun di 18 aña Hamyd Mourad, cu ta deteni. Dos di e personanan envolvi a drenta e oficina di Charlie Hebdo, jama nomber di e personanan y despues tira nan. E di tres persona tabata pafo wardando riba nan. Na caminda pa nan huida, nan a tira un agente policial, heride, bolbe y tire mata. E acto di teror aki ta esun pio di Francia den varios decada. fuente: ABC News. Foto cortesia AFP