Curpa di dos hombernan asesina na aeropuerto Corsou, tuma den beslag

WILLEMSTAD– Minister di Husticia lo tene un discurso nacional diaranson anochi na Corsou, relaciona cu e loke a sosode diamars ora cu 2 persona a keda asesina na aeropuerto Hato. Mes momento vocero di polis di Corsow a confirma diaranson merdia cu e 2 curpanan a wordo tuma den beslag pendiente e investigacion.

Oficialmente 20:24 diamars anochi polis a haya e melding di un caso di tiroteo na Hato, cu hopi herido. Patruya a haya un homber drumi riba su lomba cu no tabata duna senjal di bida. Ta trata di e conocido den mundo di droga, Jais Juliana, di cual docter a constata su morto na e sitio mes. Un otro homber drumi abou a keda transporta pa hospital y 21:40 a wordo pronuncia morto. Investigacion preliminar a indica cu individuonan a yega Hato, los tironan dirigi riba e individuonan. A confisca varios huls cu ta importante pa e investigacion. Tambe a confisca dos arma di candela cu ta un glock y un barreto. Tabatin mas persona cu a ricibi tiro na varios parti di nan curpa. Nan a keda transporta pa policlinica di SEHOS.