DVG ta confirma di 6 morto registra pa COVID-19 na Aruba

ORANJESTAD – Den un forma mas diferente cu anterior, departamento di salud DVG a confirma diahuebs merdia porfin, cu enberdad tin un di 6 morto (diaranson) cu tabata positivo pa COVID-19. Esaki nan a haci den e update diario, den e ultimo frase di e update, indicando solamente cu ‘esnan cu na momento di fayece tawata positivo pa covid ta 6’. Remarcable ta cu e biaha aki no a manda palabra di condolencia pa e famianan, manera a haci den e prome 5 casonan. E persona cu a fayece diaranson, ta e persona masculine di 85 aña. E caso lamentable a keda confirma pa famianan for di atardi, pero DVG no tabata cla pa haci esaki ainda sino te diahuebs merdia. Noticiacla.com ta manda palabra di condolencia na famianan di e fayecido.