Corsou a cancela tur actividad carnavalesco pa 2021

WILLEMSTAD – Corsou a dicidi definitivamente cu otro aña ta cancela tur actividad carnavalesco. Asina gobierno di e isla a informa.Prome a cancela cierto partinan, pero tabata evaluando actividadnan manera Tumba festival y otro evento cu ta genera hopi hende. A dicidi cu tanto e gran marcha como e tumba festival ta eventonan cu ta genera mucho hopi hende hunto cu ta trece e situacion di salud na peliger, relaciona cu COVID-19. Como tal a opta e ora pa para tur actividad carnavalesco pa 2021. E situacion precario financiero tambe ta un punto cu ta pisa hopi. Potret cortesia vacantiespreiding.eu