Lopez Tromp riba impasse: Dispuesto pa comunica, no matter ken inicia esaki

ORANJESTAD – “Ami ta wardando fei 31 juli anochi.(red:anochi cu a para tratamento di reunion den Parlamento)...disponible pa comunica via zoom, email, telefon y hasta whatsapp” tabata reaccion di minister Marisol Lopez Tromp pa cu e impasse den gobierno. E portal aki a raporta anteriormente awe cu premier Evelyn Wever a bisa e portal aki cu e ta wardando riba Lopez Tromp pa comunica cu ne, pa cuminsa e intermediacion. Lopez awor, ta parce, ta wardando riba Wever. Pues ambos ta wardando riba otro ken ta tuma e prome paso. 

VACACION

Segun Lopez a bisa e portal aki, el a avisa secretario di conseho di minister cu su vacacion lo tabata te cu diabierna ultimo 14 di augustus. “El a avisa Staten di esaki y tur lid lo a haya u carta preto riba blanco di esaki” Lopez a bisa. A compronde cu inicialmente e lo mester a bolbe dia 10 di augustus di e aña aki. Y hasta esaki, segun Lopez, el a informa Wever. 

DISPONIBEL PA COMUNICA

Lopez a bisa e portal aki cu ultimo cu el a app cu premier Wever, cu e la splik’e cu e lo keda ‘algun dia mas ivm mi yiu’. “Mi a bolbe vrijdag, y segun mi cu esey no ta un secreto” Lopez a sigui bisa. “ Ami ta y tawata semper available pa comunica, no matter con of unda of ken inicia” Lopez a bisa finalmente. Pues Lopez lo ta sinti cu Wever tambe por a tuma contacto cu ne. Hecho ta cu, Wever ta wardando y Lopez ta wardando. Mientrastanto e impasse ta keda pendiente y manera cu Wever a bisa, gobierno ta tranca, pasobra tanten cu e no resolve, gabinete no ta tene conseho di minister (manera cu minister Bikker a laga sa caba).