Premier wardando riba minister Lopez pa inicia intermediacion

ORANJESTAD – Premier Wever Croes a wordo sorprendi cu minister Marisol Lopez Tromp ta bek na Aruba. Asina e prome mandatario a bisa noticiacla.com dialuna mainta. “ (Esaki) pasobra e no a contact mi manera mi a pidie” Wever a sigui bisa. No ta conoci ki dia e intermediacion ta cuminsa, awor cu Lopez Tromp ta bek. “ Parlamento a pidi un intermediacion y e intermediacion ta wardando riba minister Marisol (Lopez Tromp)” Wever a sigui comenta pa e portal aki. Como tal no tin fecha ainda. 

REGRESO LOPEZ TROMP

Manera ta conocil, Lopez Tromp a bolbe Aruba diabierna ultimo for di su vacacion na Hulanda, unda cu e la bay hiba su yiu mayor Dominique pa bay cuminsa su estudionan universitario.  Segun Lopez a declara na su regreso diabierna, ta Parlamento a interumpi su presentacion ultimo biaha y e ta cla pa continua. Esey ta nifica cu e lo ta culpa Parlamento pa para e reunion, sino esaki lo a continua. Pues no tin fecha ainda pa e reunion ey continua. For di Wever Croes, por compronde cu tur cos ta depende di Lopez Tromp, ki dia e ta acerca Premier Wever pa asina por duna inicio na e intermediacion.