Wever: Aruba su rosea financiero ta wanta te September awor

ORANJESTAD – E rosea financiero di Aruba ta wanta porta un pa dos siman mas, sin cu e mester acudi na ayudo di p.e. Hulanda. Mas sigur te September. Asina prome minister Evelyn Wever Croes a bisa noticiacla.com diabierna mainta durante e conferencia di prensa riba e tema di negosacion cu Hulanda. E mandatario a bisa caba cu diabierna no tabata un ultimatum pa Aruba keda cla cu Hulanda (pa cera un deal pa Aruba por haya mas placa). Pero ta depende di e rosea. Y e rosea, riba insistencia di e portal aki, ta yega te September segun Wever. 

PLACA CABA

Si pa September no tin un areglo cu Hulanda, esey kier men cu Aruba no tin mas placa pa paga e.o. loonsubsidies. Y e mandatario no kier a bay riba un scenario cu si September yega y ainda ta negoshando, y e placa a caba.” Aruba lo mester tuma loco tin negosha of poni of no?” e portal a puntra. E mandatario no kier a bay riba e tema ey, bisando cu e ta keda positivo y ta spera cu partidonan lo haya otro.