- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
- Presentacion ‘Bulletproof Sleep’ riba Syndroom di Apneu, na Biblioteca Nacional Aruba
- Aruba ta co-anfitrion di Torneo futbol Damas U15 Concacaf cu Trinidad y Costa Rica
- Doño di cacho abusa ‘Khaleesi’ ta dilanti huez fin di mei
Hernandez: Scolnan ta habri e siman di 20 di augustus na Aruba
ORANJESTAD – E siman aki Director di Departamento di Asunto Social, Drs. Glenda Hernandez, cu ta representa Cluster 4 den e Crisis Team a duna informacion tocante e fecha cu scolnan lo habri pa e ana escolar venidero.
Drs. Hernandez a splica cu dialuna dia 10 di augustus a tene un reunion cu e diferente directiva di enseñansa. Tawata presente 15 directiva di scolnan kleuter, basico, scolnan secundario y scolnan di anochi pa adulto. E combersacion a bay den un bon ambiente y riba un nivel profesional. A toca diferente tema manera entre otro fechanan cu e diferente directivanan tin planea pa start op e diferente scolnan pa e aña escolar 2020-2021.
A base di e informacion ricibi, e Crisis Team a formula e intencion pa habri e scolnan den e siman di 20 di augustus.
Otro siman lo sigui papia cu e directivanan di scolnan pa wak con leu nan ta cu nan preparacionnan. Tambe lo reuni cu SEPPA y Simar pa sigui informa y dialoga con nos ta bay haci e re-apertura y puntonan di atencion di parti di maestro y docentenan mas miho posibel.
Drs. Hernandez a duna di conoce di ta na haltura cu cada tipo di scol ta trece su exigencianan cu ne cu ta rekeri nan propio espacio pa por prepara adecuadamente huntu cu maestronan e re-apertura di scol. E espacio ey nos lo brinda sigur. Asina ey nos kier percura pa e aña escolar nobo cuminsa na un manera safe y responsabel pa un y tur, pa nos muchanan y hobennan, nos maestronan y mayornan.
Un di dos decision cu Crisis Team a tuma ta pa habri nos scolnan den su totalidad. Covid por lo pronto no lo disparce for di nos. Nos tin cu siña biba cu n’e. E normal nobo. Tambe Directiva a vocifera nan preocupacion grandi cu si habri 50% esey lo kier meen cu muchanan y hobennan no lo bay tin e conocimiento di e materia pa por slag pa nan examen y toetsen den october. Mester corda cu nos muchanan no a haña tur e lesnan di dia di entrada di Covid na Aruba, esta 13 di maart. Nos muchanan tin cierto retraso cu mester di debido atencion.
Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Oduber: Maneho nobo pa haya permiso pa hotel; Ta permiti solamente Boutique hotels!
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
A prolonga ciere di frontera cu Venezuela cu cuater luna mas
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
Follow NoticiaCla
