Premier Mike Eman a topa delegacion parlamentario Hulandes

ORANJESTAD – Diaranson den oranan di merdia delegacion Hulanda tabata di bishita na bestuurskantoor pa reuni cu Prome Minister Mike Eman. Na inicio di e bishita, e delegacion a haya un recorido di e ‘Cocolishi’ y despues a sigui un reunion cu Prome Minister Mike Eman y Minister Benny Sevinger. Manera ta conoci, e siman aki tin un delegacion di Parlamentonan di Reino na Aruba relaciona cu e reunion di e asina yama ‘Interparlementair Koninkrijksoverleg’ (IPKO) cu a tuma luga e aña aki na Aruba y ta finalisa diabierna, 9 di januari, 2015. IPKO ta un encuentro entre miembronan di Parlamentonan di Reino: Hulanda, Corsou, Sint Maarten y anfitrion di e reunion e biaha aki Aruba.

Durante e bishita aki, tanto Prome Minister como e Parlamentarionan a probecha pa pone nan mes na altura di loke Gobierno ta trahando riba dje y cual ta e perspectivanan, mirando for di punto di bista di Gabinete Mike Eman II. Despues Prome Minister Eman a ofrece e delegacion un lunch den sala di Conseho di Minister. Diabierna den oranan di atardi e mandatario lo tin un reunion cu e Presidium di IPKO 2015.