L.G. Smith’s Steak & Chop House ta presenta ‘CASA ROJO’

(ADVERTORIAL)

ORANJESTAD– Augustus – Descubri un experencia culinario unico e weekend aki na L.G. Smith’s Steak & Chop House cu ‘Casa Rojo’. Un menu di cuater entrada inspira riba sabornan Spaño cu influencia Asiatico compaña pa biñanan MUSSO.

LGSmiths

Diabierna y Diasabra lo presenta Casa Rojo na LGSmiths. Un experencia culinario compaña cu biñanan MUSSO di bodega Casa Rojo representa na Aruba pa Pepia Est. Un cena di 4 entrada prepara pa e team culinario di LGSmiths encabesa pa Sebastian Cechet, Chef Ehecutivo di Renaissance Aruba Resort & Casino. Di acuerdo cu Sebastian Cechet, cada entrada a wordo inspira pa ingrediente y sabornan di Spaña cu influencia Asiatico. Por spera ingrediente y productonan di calidad halto manera e ‘Secreto Iberico’, un carni porco procedente di ‘Pata Negra’, e rasa di mas bieu na mundo.     

E anochi lo inicia cu un aperitivo; un glas di Moltó Negre Cava, procedente di Catalunya, Spaña. E prome entrada ta lo ta ‘Pan Seared Scallops’ cu lo wordo compaña pa un Musso Sauvignon Blanc, sigui pa un ‘Pacific Corvina’ compaña pa un Musso Garnacha (Rosé). E ‘Secreto Iberico’ lo wordo compaña pa un Musso Tempranillo y pa finalisa e anochi aki, un ‘Chocolate Crema Catalana’ cu lo wordo sirbi cu un Carajillo 43. Un menu cu lo hibabo den un viaje culinario Spaño cu sabor y combinacion Asiatico. 

‘Casa Rojo’

E agencia Pepia Est a keda encarga pa scohe e biñanan pa combina esaki cu cada entrada durante cena na LGSmiths. Casa Rojo ta un bodega di Spaña, cas di biñanan MUSSO. Segun Marcel Elings di Pepia Est, cada biña a wordo perfectamente selecciona pa Pepia Est su ‘wine sommelier’ pa asina compaña cada entrada cu lo wordo presenta e weekend aki.

E experencia culinario aki ta unicamente $79 pa persona inclui BBO y lo ser presenta unicamente riba Diabierna, Augutus 14 y Diasabra Augustus 15, 2020. Pa mas informacion of reservacion por yama LGSmiths na 5976195 of por book bo mesa online na www.lgmsiths.com. Cupo ta limita. Pa keda na altura di cada evento di LGSmiths, por sigui e pagina di Facebook  https://www.facebook.com/LGSmithSteak/