Conocido docente ‘Juffrouw Mimi’ Lampe a bay sosega

ORANJESTAD – Awe marduga e conocido docente ‘Mimi’ Lampe a bay sosega. Juffrouw Mimi, manera e tabata wordo yama, tabata hopi gusta den comunidad, sigur den e veld di enseñansa. Cu un trayectoria amplio, ocupando varios funcion clave den e mundo ey, e la sa di haya respet y admiracion di hopi. E famia di juffrouw Mimi tambe ta hopi conoci. E ta ruman di e.o. Lissy Lampe, conoci e.o. den e mundo di turismo. A compronde cu Lampe den e ultimo dianan aki a bira malo y awe marduga diripiente a bay sosega. Tabata su ruman Lissy, cu a post e mensahe awe marduga, cu su ruman a bay sosega. Noticiacla ta manda palabra di condolencia na famianan di Juffrouw Mimi, particularmente su rumanan Maximo y Lissy. Cu Juffrouw Mimi sosega na paz.