Ta cera pida caminda entre Aruba Linear park fase 1 y fase 2

ORANJESTAD - Entrante 14 di januari 2015 e pida caminda entre Aruba Linear Park fase 1 y Aruba Linear Park fase 2 cu ta bay pa Surfside Beach na haltura di Barefoot y Nikky Beach lo bay ta cera en conexion mehoracion di e beach di Surfside Beach. Esaki a keda informa awe pa Departamento di Obra Publico (DOW).

E proyecto lo wordo cera den fase na medida cu e trabou nan ta avansa. En conexion cu e trabou por haci uzo di e pida caminda pazuid di e plasa di Aruba Linear Park fase 1 for di e parkinglot di Nikky Beach. Esaki lo wordo indica cu borchi y heki nan di trafico. E trabao lo tin un duracion di 170 dia . Lo construi caminda pa cu acceso na e Beach, stacionamento pa auto, trottoir y canal pa mehora e fluho di awa. Tambe lo bin mata y palo nan di luz pa embeyecemento di e beach menciona. Obra Publico ta notifica tur usuario di boto cu durante di construccion no lo por bay baha boto na e beach menciona. E foto ta uno di archivo tempo di construccion di Linear Park. 

.