Gobierno a para drive thru testing pa COVID19 di laboratorionan priva

Gobierno a para drive thru testing pa COVID19 di laboratorionan priva

Posted on 08/10/2020 10:30 am AST | Updated on 08/10/2020 10:31 am AST

ORANJESTAD - Gobierno (lesa: minister president) a manda para drive thru di laboratorionan priva na Aruba pa test COVID19. Asina minister di Salud Dangui Oduber a confirma na e portal aki awe mainta. E motibo ta cu un di e condicionan pa por a test, ta cu e resultado mester keda entrega dentro di 24 ora. “E ultimo dianan debi na e demanda pa PCR test tawata hopi halto no por a cumpli cu esaki y ta pone cu drive thru testing no por sigui tuma lugar por lo pronto” Oduber a bisa. 

NO TA TEST MAS?

Di otro banda, un di e laboratorionan na Noord, a pone un aviso riba nan porta cu nan no ta test  COVID19 (mas). Ora cu a puntra Oduber pakico esaki ta, e la contesta:” Esey mi no lo sa kiko ta e motibo”. Segun Oduber, DVG ta splika maneho di testing; ningun momento a para laboratorio priva di sigui test, ta solamente e sistema di “Drive-thru” a wordo suspendi.

HOPI KEHORiba e pagina di facebook di un di e laboratorionan priva na Noord, tabatin keho di personanan cu ainda (despues di 72 ora ) no a haya nan test. Algun di nan tabata te hasta pidi nan placa bek. Rijnan largo tabatin diabierna ainda, unda cu hendenan tabata warda te cu 3 ora y mei, segun nan mesun splicacion. Y algun di nan ora cu nan a yega na e sitio, nan a haya tende cu no tin mas test y cu mester registra otro forma. 

TEST POSITIEF Y NEGATIEF

Un otro keho, tabata cu hendenan cu tabata test positief un caminda, a bay test otro caminda y a sali negatief, creando un duda den e calidad di test. Riba esaki e portal aki no por a haya un confirmacion ainda si. 

  • Zulo
  • Powered by SETAR