ORANJESTAD - Gobierno (lesa: minister president) a manda para drive thru di laboratorionan priva na Aruba pa test COVID19. Asina minister di Salud Dangui Oduber a confirma na e portal aki awe mainta. E motibo ta cu un di e condicionan pa por a test, ta cu e resultado mester keda entrega dentro di 24 ora. “E ultimo dianan debi na e demanda pa PCR test tawata hopi halto no por a cumpli cu esaki y ta pone cu drive thru testing no por sigui tuma lugar por lo pronto” Oduber a bisa.
NO TA TEST MAS?
Di otro banda, un di e laboratorionan na Noord, a pone un aviso riba nan porta cu nan no ta test COVID19 (mas). Ora cu a puntra Oduber pakico esaki ta, e la contesta:” Esey mi no lo sa kiko ta e motibo”. Segun Oduber, DVG ta splika maneho di testing; ningun momento a para laboratorio priva di sigui test, ta solamente e sistema di “Drive-thru” a wordo suspendi.
HOPI KEHORiba e pagina di facebook di un di e laboratorionan priva na Noord, tabatin keho di personanan cu ainda (despues di 72 ora ) no a haya nan test. Algun di nan tabata te hasta pidi nan placa bek. Rijnan largo tabatin diabierna ainda, unda cu hendenan tabata warda te cu 3 ora y mei, segun nan mesun splicacion. Y algun di nan ora cu nan a yega na e sitio, nan a haya tende cu no tin mas test y cu mester registra otro forma.
TEST POSITIEF Y NEGATIEF
Un otro keho, tabata cu hendenan cu tabata test positief un caminda, a bay test otro caminda y a sali negatief, creando un duda den e calidad di test. Riba esaki e portal aki no por a haya un confirmacion ainda si.
ORANJESTAD - E siman aki oficina di turismo di Aruba a anuncia e 5 ganadornan di e prome session di e progama Aruba Signature Experience pa 2024. Na aña 2021, Aruba Tourism Authority (A.T.A.) y Qredits Aruba a introduci e programa “Aruba Signature Experiences” cu e meta pa encurasha entrepreneurnan pa enfoca riba experiencia unico y inolvidabel pa nos bishitantenan.
ORANJESTAD - Dia 30 di maart ta Dia Internacional Cero Desperdicio (Zero Waste Day). E dia aki ta dedica pa eleva conscientisacion riba consumo y produccion responsabel y tambe na reduccion di desperdicio. Directie Natuur en Medio Ambiente (DNM) ta invita comunidad pa join nos den celebracion di e dia importante aki. Esaki ta e di dos biaha cu Nacionnan Uni (UN) ta observa e dia aki como cu ta na 2022 a tuma e decision pa e dia aki ta un dia observa internacionalmente. E
ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko.
ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas.