Seccion di Malesanan Infeccioso ta stop tur su servicionan

ORANJESTAD -  Seccion di Malesanan Infeccioso ta stop tur su servicionan. Departamento di Salud publico (DVG) a informa esaki diadomingo.  Servicio di Malesanan Infeccioso, conosi tambe como Dienst Besmettelijke Ziekte ta un seccion di Departamento di Salud Publico cu ta duna diferente servico na comunidad.                                                                   Entre e servicionan mas solicita ta; 

Diferente Vacuna

Test pa diferente Malesa Infeccioso manera Tuberculosis y Malesanan Transmiti Sexualmente 

Provee declaracion medico pa permiso di DIMAS

Y enconeccion cu maneho di e crisis di covid-19 na Aruba, a informa cu tur e servicionan brinda pa e seccion aki ta wordo para entrante dialuna dia 10 di augustus te cu un proximo aviso. Tur personal di seccion di malesanan infeccioso mester wordo incorpora den trabounan relaciona cu maneho di e crisis y pa cual motibo servicionan regular no por sigui.