Aunke e la baha, 113 caso positivo riba un dia, pa COVID19 ta keda hopi

ORANJESTAD – Aruba a registra un total di 113 acso nobno positivo diasabra di COVID-19. Asina prome minister Evelyn Wever Croes a bisa. Di e 113 casonan te awor (e por aumenta), 105 ta residente y 8 ta turusta. Esaki ta resultado di 1030 test haci. Mientras cu e ta menos cu un dia prome (133 caso) e situacion ta keda preocupante. Notable ta cu basta personahe conoci den comunidad a keda contagia. Manera cu e portal aki a raporta caba, yiu homber di prome minister Evelyn Wever mes a test positivo. Algun periodista tambe a test positivo y algun comerciante conoci. Notable ta cu contrario na sconde nan situacion, nan ta comparti e noticia riba nan pagina di Facebook, cu e meta pa alerta nan amigonan cu por tabata ‘rond’ di nan.