Corsou ta cera tur lugar nocturno di fiesta pa 2 siman relaciona cu COVID-19

WILLEMSTAD – Corsou a dicidi cu ta cera tur lugar nocturno, clubnan cera of lugarnan di musica cu ta cera unda cu tin fiesta, pa un periodo di dos siman. Asina e edipimiologo Izzy Gerstenbluth a bisa diabierna atardi laat. Esaki pa evita cu ciudadanonan di Corsou cu lo por tabata na Aruba, no bay y evita un ‘superspread’, manera cu ta sosodiendo na Aruba. E medida aki tabata necesario, mirando e posibilidad cu tin ciudadanonan cu tabata na Aruba e dianan cu a pasa y cu lo por a bishita Aruba den e dianan unda cu e contagio grandi a tuma lugar na e sitionan menciona, manera Gusto y Craft. E personanan aki lo por a keda infecta y si nan bay e lugarnan menciona na Corsou, esaki por bira un problema. Despues di dos siman, lo evalua e situacion y dicidi si ta cambia e medida aki. Mester bisa mes momento cu no tin ningun caso activo di COVID-19 na Corsou, y nan kier tene asina.