Evelyn Wever: Gobierno no ta huur ningun edificio di famia Croes mas

ORANJESTAD – E aña aki no tin ningun huur di famia MEP ta caba manera cu gabinete Mike Eman II ta pretende. Mientras cu lider di partido MEP (di cual ta referi ora cu papia di famia di MEP) no kier a toca e tema, riba insistencia di NoticiaCla, a mustra kico e situacion real ta. Un tema cu pa Wever, e ta cansa di papia ariba, pero awor mester clarifica e situacion.

ARULEX BUILDING

Wever ta cuminsa na splica cu su tata enberdad tabata huur un edificio cu e tabata huur cu gobierno cu ta na Arulex building. “E huur ey na 2009 ora cu gobierno (actual) a sinta a bisa cu nan ta bay kibre. Mi tata no a hiba nan corte pa esey, y na 2010 e huur ey a caba. Ora cu a sali afo, no tabatin nada mas. Poco atraso den awa y coriente cu gobierno a gasta. “Esey nan mester a paga. Mi tata no a pursue full e contract uitbetaald.”

NOR-ANN BUILDING

E tanta di Evelyn tabata huur e edificio aki tambe cu gobierno actual. E ta duda riba e fecha exacto pero ta na 2012 segun Wever, cu gobierno a sali for di e edificio ey. “Te cu Otmar Oduber a paga un aña largo dubbele huur. E la saca di un tanta pa hinca den un otro tanta”, Wever ta bisa, indicando cu a bay huur e ora den edificio di tanta di (Otmar) Oduber. Segun Wever, ora cu gobierno a bandona e edificio, su tanta (di Wever) nunca a sigui pa e cumpli cu e pago.

EDIFICIO DI RUMAN

E edificio cu ruman di Wever ta tabata huur na Tanki Flip cu gobierno tambe no tey mas, ya cu gobierno a saca su hendenan eynan. Den e contract tabata para cu por sali for di e edificio si bo tin algo miho. Pero gobierno a sali riba su mes cu a pone cu e ruman homber (efm) a haya su mes den corte. “Gobierno a hibe corte pa disolve e contracto y e ora mi ruman a defende su mes den corte” Wever a bisa. Segun Wever, su ruman a bende su interesnan di e edificio aña pasa ora cu e la bira malo, pasobra e tabatin mester di placa pa paga pa su salud. “Pues medio aña pasa e no tabatin ningun huur mas cu gobierno. No tin niun” Wever ta sigura NoticiaCla. Segun Wever, minister (Otmar Oduber) a declara cu e presupuesto 2014 ta e prome na cual no ta pagando ningun huur mas na famia (Evelyn ) Croes. “Pues e la confirma esaki. Y mi no sa kico nan ta papiando di cu huur ta caba na september. E ta stemmen makerij. Algo cu no ta dimi.”