Pueblo dunando oido pa bisti mondkapje caba, aunke no ta obligatorio

ORANJESTAD – Ainda e bistimento di un mondkapje na Aruba no ta obligatorio. Pero mirando e situacion su desaroyo, no ta descarta cu esaki por cambia rapidamente. Loke a resalta si diaranson ta cu e yamada for di dialuna anochi di prome minister Evelyn Wever cu a urgi pa tur hende bisti mondkapje si nan ta den lugarnan publico unda cu no por tene distancia di 1.5 meter, ta dunando oido. Pues gran parti. No tin garantia cu tur hende ta haciendo esaki. Un recorido cortico di e portal aki diaranson atardi, a mustra cu tin basta hende toch den centro di Oranjestad, cu ta cana rond cu nan mondkapje. Si nan tin e mondkapje corecto, ta otro asunto, pasobra tin varios tipo di cual algun ta bon y otronan parce ta solamente ‘bunita’ segun moda, pero no cu e ta echt yuda e causa. Con cu para bira, tin oido di nos hendenan. Ainda, e no ta obligatorio, pero no ta descarta cu den e proximo ora pa dianan, esaki lo cambia.