Aruba Bank: Tur persona cu bishita sucursal di Camacuri, Hato y San Nicolas mester bisti mondkapje

(ADVERTORIAL)

ORANJESTAD - Na Aruba Bank N.V. nos ta haci tur locual ta na nos alcance pa sigura e bienestar di nos clientenan y nos empleadonan door di limita contacto fisico. En conexion cu e elevacion di e medidanan segun e plan di maneho pa contingencia di e Coronavirus (COVID-19) di Gobierno y pa practica cautela, entrante Diaranson, 5 di Augustus, tur persona cu bishita sucursalnan di Aruba Bank na Camacuri, Hato, y San Nicolas, lo mester bisti un “mondkapje”.

Esaki ta aplicabel tambe pa personanan cu ta drenta den area di Self-Service na Camacuri y San Nicolas y lo permanece na vigor te cu proximo aviso.