Nos mesun hendenan a percura pa aumento drastico di mas caso positivo COVID-19

ORANJESTAD – E cantidad di casonan positivo local di COVID-19 lo a bula explosivamente halto, ora cu e portal aki a confirma diaranson mainta cu tin no menos cu entre 20 pa 40 caso extra di persona cu a test positivo awor. For di fuentenan di hospital Horacio Oduber cerca na e casonan, e portal aki por a confirma esaki. Pa loke ta minister Dangui Oduber, e no por a confirma esaki.” Mi a tende e rumor aki pero ningun confirmacion dus mi ta lague na rumor” Oduber a bisa. E problema ta cu e casonan tur ta local. Esey kier men cu nos mesun hendenan ta y a plama esaki y no ta turista. Esey ta pone cu ta nos mesun hendenan ta causando e problema cu por desemboca den medidanan aun mas estricto, cu tur su consecuencianan. E intencion no ta pa trece panico, pero e realidad duro ta otro. 

TURISTA

Si hinca e articulo den contexto, di e miles di turista cu a yega Aruba for di dia cu frontera a habri, ta apenas 14 a keda contagia, di cual 10 ya a recupera. Pues, por mira cu e problema den e caso aki no ta turista, sino e comportacion di nos mesun hendenan.