Corsou no a dicidi ainda si ta minimalisa trafico aereo pa Aruba

WILLEMSTAD – Corsou no a tuma decision ainda tocante e situacion ‘nobo’ di COVID-19 cu a surgi dialuna anochi. Asina e portal Extra Curacao ta raporta. Segun Extra, Minister-presidente Eugene Rhuggenaath ayera anochi a bisa cu ningun decision a cay ainda. E tabata den consulta cu e team di crisis dialuna anochi tocante e situacion na Aruba. “A bin ta monitor desaroyonan, riesgo na aruba y tambe Hulanda di acerca” Rhuggenaath a duna di conoce. Te ainda no ta cla pues si Corsou lo tuma medida pa minimalisa trafico aereo cu Aruba. 

Manera ta conoci, ayera nochi gobierno di Aruba a anuncia cu tin 5 caso positivo di COVID-19, y tur ta casonan local esta transmiti localmente. Esey ta cambia e panorama totalmente cu a pone gobierno implementa como 8 medida di cual algun tabata conoci caba. Medida manera urgi pa bisti mondkapjes den lugarnan publico y re-introduccion di samenscholings verbod. Cortesia Extra Curacao. Potret ta di archivo di Noticiacla.com