Premier Wever Croes: Di dos parti di reunion no por continua si Lopez Tromp no tey!

ORANJESTAD – E reunion di Parlamento cu a tuma lugar diabierna ultimo unda cu mester a atende cu e ‘confiansa of no contra e minister’, a para abruptamente diabierna anochi riba peticion di partido POR. E reunion no por continua, si e minister no tey. Por lo menos esey ta e opinion di premier Evelyn Wever Croes. Asina e la bisa durante un conferencia di prensa dialuna mainta. “Mi ta haya cu e tweede ronde mester bay ora cu e minister tey” e mandatario a bisa. E ta na altura cu tur fraccion den Parlamento a bisa cu nan kier pa e reunion continua tambe. 

CLARIDAD

E peticion di e fraccionan, ta pa tin mas claridad, sigur riba e puntonan di corupcion cu minister Marisol Lopez Tromp a señala diabierna den Parlamento. “Nos ta cla pe” ta e contesta cu Wever Croes a duna e portal aki awe mainta. “Pasobra con cu bay bin, integridad ta cay bou mi ministerio. Y ami no tin conocemento di e casonan, pues ami lo tin cu bay cu tur e directornan cu ta trata esaki pa por atende (cu e asunto), pues depende kico Parlamento kier, nos ta cla pe”. Wever a bisa.