Si Marisol Lopez Tromp baha como minister, POR no ta haya otro minister

ORANJESTAD – Si resulta cu minister Marisol Lopez Tromp retira di su function (voluntariamente) of e wordo retira (door di Parlamento) y bin un vacatura di e respectivo ministerionan, no ta bay  bin un di 8 minister bek. Esaki ta e posicion di partido MEP, segun su lider Evelyn Wever Croes na e portal aki dialuna mainta durante un conferencia di prensa. “Ta keda goberna cu 7 minister” e mandatario a sigui bisa. E motibo ta gastonan extra. 

OVERBRUGGINGS TOELAGE

E motibo ta pasobra cada bez cu un minister bay, bo tin cu paga e asina yama ‘overbruggings toelage, y ta nifica cu lo bo tin cu paga un minister extra y esnan cu a retira. Esaki lo nifica cu e ora lo tin cu paga tanto Otmar Oduber como Marisol Lopez Tromp overbruggings toelage durante un aña y alavez paga un di 8 minister pa haci e trabou. 

POR NO TA HAYA UN OTRO MINISTER

“Pues e posicion di partido MEP ta cu si minister Marisol Lopez Tromp bay, e cartera ta wordo, por lo pronto, ta cay bou di minister president. Despues ta weita kico ta haci” Wever Croes a sigui bisa. Lo reshuffle e carteranan posiblemente entre e ministernan existente, pues no ta bin un minister nobo. “POR no ta haya un otro minister” Wever a sigui clarifica.