- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Renaissance Aruba ta lansa ‘Ren-On-Wheels’
(ADVERTORIAL)
ORANJESTAD– Augustus – Renaissance Aruba un biaha mas ta preparando pa presenta y lansa un otro concepto culinario. Ren-On-Wheels ta un idea cu a nace pa ofrece tur amante di bon cuminda e oportunidad pa experencia esaki confortablemente na cas desde diabierna 7 di Augustus.
Nos ta den un periodo caminda cu distancia fisico ta obligatorio pues nada mas dushi pa disfruta di un cena prepara pa e ekipo culinario di Renaissance Aruba confortablemente na cas den ceno familiar. Ren-On-Wheels ta presenta dos menu como introduccion di e concepto aki; Renaissance Aruba su sabornan culinario di mas conoci, ‘Indian’ y ‘Thai’.
Den pasado Renaissance Aruba a presenta varios ‘pop-up’ restaurant; un concepto masha gusta y bon bishita. Tur hende por corda ainda ‘Soi Thai’ y ‘Dhaba’, dos ‘pop-up’ cu sabornan exotico cu a hibabo na un biahe culinario sin igual. Di acuerdo cu Chef Bhumi Raj Upadhya, por spera e ‘Indian Menu’ yena cu sabornan intenso combinando 30 specerij pa crea plato y combinacionnan unico. Locual ta pa e ‘Thai Menu’ por spera ingredientenan fresco pa caba di duna e sabor mistico cu e cushina ‘Thai’ ta conoci pe.
Ren-on-Wheels lo ta un ‘delivery service’ te na porta di bo cas pa asina bo caba di prepara y duna e toke final na cada plato. Un menu pa dos persona perfectamente hinca den otro cu e opcion pa combina esaki cu cocktails, biña of soda’s pa crea bo mesun ambiente y discurbi e sabornan exotico di India of e mistico di Thailandia. Ren-On-Wheels lo ta unicamente riba diabierna, diasabra y diadomingo cu servicio di delivery entre 4or pa 9or di anochi cuminsando 7 di augustus.
Por order bo Ren-On-Wheels for di trempan caba riba www.renonwheels.com of via di Whatsapp na 5976140 pa unicamente 90 florin pa dos persona inclui BBO y transporte. Cada menu ta un ‘3-course’ y lo bini cu un video y tarheta pa ilustra con bo mester prepara y finalisa cada plato. Cu e servicio nobo aki Renaissance Aruba kier duna tur su bishitantenan y e comunidad local un otro opcion pa disfruta na cas den un ambiente sano.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
