Reunion pa baha Marisol Lopez, ta suspendi te proximo aviso

Reunion pa baha Marisol Lopez, ta suspendi te proximo aviso

Posted on 07/31/2020 8:48 pm AST | Updated on 07/31/2020 8:54 pm AST

ORANJESTAD – E reunion di Parlamento diabierna cu mester a bira uno historico, a caba na nada diabierna anochi. Despues cu a suspende e reunion pa algun ora diabierna atardi, partido POR a pidi pa suspende e reunion ‘te proximo aviso’. Informacion cu e portal aki tin ta mustra cu no tabatin suficiente miembro pa aproba e mocion di desconfiansa. Ademas, e informacion cu Marisol Lopez a presenta riba e asuntonan di corupcion, tabatin su efecto. Esaki ta nifica cu Marisol Lopez ta keda minister (por lo pronto), y no ta sigur kico lo pasa aworaki. 

CORUPCION

Loke ta wordo menciona tambe como motibo, ta e contenido di e disertacion di Lopez, unda cu a revela basta practica ilicito cu tabata tumando lugar den su departamento, cu conocemento di coleganan di partido POR y MEP, incluyendo minister-President sin cu a actua contra. Manera cu e portal aki a menciona, Lopez Tromp a papia di proyectonan miyonario cu colega Bikker lo a permiti pasa, sin cu esaki tabata posibel. Tambe e la bisa cu lo tin mas investigacion andando cu lo por envolve otro ministernan tambe. BAHA MARISOL OF BAHA GOBIERNO

Durante e disertacion di parlamentario Alan Howell, el a mustra na final awe mainta, cu sea Marisol Lopez ta baha, of ta baha gobierno. Esaki tabata un declaracion basta fuerte haci, cu Lopez Tromp tambe a menciona durante su di dos biaha na palabra. Mes momento el a pidi pa clarificacion riba esaki.

KICO TA PASA AWO?

No ta conoci kico ta e siguiente paso. Esaki pasobra Marisol Lopez Tromp a bin Aruba bek riba invitacion di Parlamento, mientras cu partido POR tabata todo por todo pa bahe como minister sosteni pa e demas miembronan. Algun ta pensa cu esaki ta un victoria pa Lopez Tromp y cu su decision pa bolbe Aruba tabata esun corecto. Di otro banda, algun ta pensa cu a stroba su biahe pa Hulanda, pa cual un hende of Parlamento lo mester bay responde pe. Keda pendiente pa e desaroyonan den e dianan nos dilanti. Fecha nobo pa e reunion aki no ta conoci.

  • FASE Helpdesk ta informa: E diferencia entre prolonga y registra pa FASE

    FASE Helpdesk ta informa: E diferencia entre prolonga y registra pa FASE
  • Wever: Aruba su rosea financiero ta wanta te September awor

    Wever: Aruba su rosea financiero ta wanta te September awor

    ORANJESTAD – E rosea financiero di Aruba ta wanta porta un pa dos siman mas, sin cu e mester acudi na ayudo di p.e. Hulanda. Mas sigur te September. Asina prome minister Evelyn Wever Croes a bisa noticiacla.com diabierna mainta durante e conferencia di prensa riba e tema di negosacion cu Hulanda. E mandatario a bisa caba cu diabierna no tabata un ultimatum pa Aruba keda cla cu Hulanda (pa cera un deal pa Aruba por haya mas placa). Pero ta depende di e rosea. Y e rosea, riba insistencia di e portal aki, ta yega te September segun Wever. 

  • Minister sorprendi cu BZK no ta respeta palabracion haci den JVO

    Minister sorprendi cu BZK no ta respeta palabracion haci den JVO

    ORANJESTAD - Manera ta conoci Aruba ta den negosacion cu Hulanda riba e condicionnan cu nan a bin cune momento cu Aruba a pidi pa haya e di tres fase di financiamento. Diahuebs durante dia tabatin un reunion publico unda a splica e condicionnan cu Hulanda a pone y uno di nan ta regarda husticia. Minister di Husticia mr. Andin Bikker a splica Parlamento cu un par di siman atras tabatin reunion di JVO, unda ministerionan di husticia  den Reino a participa pa medio virtual y caminda a firma un protocol. Den e protocol a palabra cu tur tema cu ta regarda husticia lo bay wordo trata den e reunion di JVO na Januari 2021 na Hulanda si situacion di Coronavirus mehora. Pero pa sorpresa di Minster Bikker e siman aki e la bin tuma nota cu BZK, esta Ministerie van Binnenlandse Zaken en Koninkrijkrelatie di Hulanda, a bisa cu nan ta keda para riba cu e condicionnan pa cu di husticia mester sigui den e cuadro di e negosacionnan actual. Durante splicacion na Parlamento Minister Bikker a bisa cu e la keda sorprendi riba e nota di BZK. E mandatario a haya varios pregunta for di Parlamentarionan unda e la splica cu den su concepto ora cera un acuerdo mester cumpli cune y manera palabra pa trata e tema aki na Januari 2021. Los di esey na Januari anja pasa a bay di acuerdo cu e protocol di RST y KMar nobo y conhuntamente cu Parlamento a pone un geschillenregeling mientras cu te cu awe no conoce un geschillenregeling abase di articulo 12ª di statuto. A inclui den tanto RST protocol como KMar protocol un geschillenregeling y netamente awor aki cu a bay di acuerdo cu Minister di Husticia di Hulanda y otro Ministernan di Husticia di Reino cu lo bay trata e temanan aki na Januari 2021, diripiente BZK e siman aki ta notifica Aruba cu nan kier mantene e discusion den e senario aki toch pa e di tres fase di financiamento. Pa Minister Bikker tin caminda di cana pa loke ta trata e diferencia di opinion di e condicionnan di husticia pasobra por enfoca riba articulo 19 y articulo 11 di e protocolnan aki. E rekisitonan cu Hulanda a bin cune por pone Aruba cay bek tempo di Antiya pasobra for di Willemstad básicamente nan lo bay guia husticia. Pa Minister Bikker esaki ta mishi cu Aruba su autonomia y esaki no ta alcaso tampoco pa motibo cu ta trata di un fiansa cu mester paga bek. Minister Bikker no ta compronde e condicion adicional cu Hulanda a bin cune pa Aruba haya e fiansa. Manera diferente experto huridico a splica, e asunto aki ta mishi cu Aruba su autonomia inecesariamente. Minister Bikker ta hopi contento y gradici cu Parlamento pasobra tin un union riba esaki y tur fraccion a indica cu e manera di proceder di Hulanda y e condicionnan ta inaceptabel. Di parti Parlamento nan a duna un mandato pa basicamente sigui na mesa di negosacion y los di esey a bin cu e sugerencia pa gobierno logra haya un conseho di antemano di Raad van Staten riba tur e rijkswetten nan cu nan ta pone. Tambe a bin recomendacion pa enbes di rijkswetten yega na onderregelingen mescos cu ta e caso cu e RST protocol y Kmar protocol y otro regelingennan cu a cera. Na e ultimo reunion di JVO un par di siman pasa Minister Bikker a firma un onderregeling pa un samenwerking caminda diferente departamento di husticia ta bay haya soft- y hardware specialisa cu diferente pais den Reino ta uza. Esey tambe ta un manera pa yega na palabracionnan y no mester wordo poni den un Rijkswet cu Hulanda ta proponiendo awor aki. Tanto gobierno y parlamento no ta di acuerdo cu e condicionnan cu Hulanda a bin cu nan. 

  • Hernandez: Scolnan ta habri e siman di 20 di augustus na Aruba

    Hernandez: Scolnan ta habri e siman di 20 di augustus na Aruba

    ORANJESTAD – E siman aki Director di Departamento di Asunto Social, Drs. Glenda Hernandez, cu ta representa Cluster 4 den e Crisis Team a duna informacion tocante e fecha cu scolnan lo habri pa e ana escolar venidero. 

  • Wever: Ta negoshando cu Hulanda ainda y no a acepta nada te cu awor

    Wever: Ta negoshando cu Hulanda ainda y no a acepta nada te cu awor

    ORANJESTAD -   Premier Evelyn Wever-Croes diahuebs a duna Parlamento un update di e negosacionnan cu Hulanda te cu awor. Premier a indica kico tur a logra te cu awor, y na final a indica riba cual puntonan ta negociando ainda. 

  • Oduber: Aruba lo cuminsa haci pre order di vacuna pa COVID-19

    Oduber: Aruba lo cuminsa haci pre order di vacuna pa COVID-19

    ORANJESTAD – Aruba ta bay cuminsa haci pre order di vacuna pa COVID-19. Asina minister di salud Dangui Oduber a informa  e siman aki. Departamento di salud publico (DVG) a tene un reunion cu PAHO (pan american health organization) riba e tema di vacuna. Paho a informa departamento di salud publico cu na e momentonan aki tin 6 diferente vacuna den ultimo fase di desaroyo cual sigur ta un noticia sumamente positivo pa mundo y Aruba. Nan ta conseha Aruba pa cuminsa haci e pre order awor aki caba pa evita cu ora e vacuna ta disponibel nos no logra haya esaki.

  • aruba airlines
  • Powered by SETAR