Howell: Of Minister Lopez ta retira, of ta manda gobierno cas

Howell: Of Minister Lopez ta retira, of ta manda gobierno cas

Posted on 07/31/2020 4:16 pm AST | Updated on 07/31/2020 4:19 pm AST

ORANJESTAD – Sea Parlamento ta sostene e mocion di manda Marisol Lopez Tromp cas, of ta manda gobierno cas. Asina parlamentario di partido POR Alan Howell a bisa diabierna maintain na final di su disertacion. Cu esaki e parlamentario tabata kier men cu si Parlamento no logra pasa e mocion, fraccion di POR lo manda gobierno cas, door di kita e sosten. Por lo menos esey ta loke e parlamentario a indica.  Mas den dia, ora cu Lopez Tromp a cuestiona e asunto aki, Howell a clarifica cu e no por compronde con 7 minister por sigui traha cu Lopez Tromp si e keda, si tur a firma cu nan no por traha cu e mandatario. E declaracion inicial di Howell a crea basta consternacion, den sentido cu e ta hinca Aruba den un situacion fastioso mei mei di un crisis, si gobierno mester bay cas. 

  • Hoofdstembureau a añadi 2 persona na registro di voto, aunke fecha di cierre a vence

    Hoofdstembureau a añadi 2 persona na registro di voto, aunke fecha di cierre a vence

    ORANJESTAD - Hoofdstembureau a participa diabierna cu a añadi 2 persona na registro di voto, aunke cu e fecha di cierre a vence caba. Segun e informacion, na cierre di e Registro di Votado cu a cera dia 7 di april 2021, e Registro a cera cu un total di 70.281 votado. 

  • Sigui resultado di eleccion ariba websitenan oficial di gobierno

    Sigui resultado di eleccion ariba websitenan oficial di gobierno
  • Encuesta: Casi 73% di lectornan no kier Censo comparti e kiezersregister

    Encuesta: Casi 73% di lectornan no kier Censo comparti e kiezersregister

    ORANJESTAD – Casi 73% di lectornan di noticiacla cu a participa na e ultimo encuesta di Noticiacla/Doc Opleidingen, no kier pa Censo comparti e kiezersregister cu partidonan politico, mientras cu 12% ta bisa cu si comparti e informacion, e mester ta limita. Awe tardi Corte lo dicta sentencia den e caso sumario cu partido AVP a entama contra minister di Asuntonan General riba e tema. Casi 900 persona a participa den e encuesta entre lectornan di noticiacla. Prome minister Evelyn Wever Croes a informa na noticiacla diamars cu e lo respeta e sentencia di huez, ora cu esaki bira conoci. 

  • Otro medio di comunicacion ta uza encuesta di noticiacla den contexto robez

    Otro medio di comunicacion ta uza encuesta di noticiacla den contexto robez

    ORANJESTAD – NoticiaCla y Doc Opleidingen a tuma nota cu e medio di comunicacion Solo di Pueblo a usa e resultadonan di encuesta di nos portal pa produci un noticia. Den principio, no tin problema cu esey y ta welcome e uso aki, contal cu uza e informacion den contexto corecto. Den su publicacion di e resultado di e encuesta, NoticiaCla y Doc Opleidingen a pone explicitamente (disclaimer) cu e resultadonan di nos encuesta, cu a wordo colecta exclusivamente di forma digital (internet), no por wordo considera como e opinion general di Aruba, pero cu e ta e resultado di e opinion di e lector di noticiacla cu a participa den e encuesta solamente. NoticiaCla y Doc Opleidingen ta lamenta cu su informacion a wordo malinterpreta y usa pa un insinuacion como sifuera NoticiaCla a indica cu su encuesta lo ta representativo pa poblacion di Aruba. 

  • Lider di partido MEP Evelyn Wever Croes ta den Democracia Cla awe nochi

    Lider di partido MEP Evelyn Wever Croes ta den Democracia Cla awe nochi

    ORANJESTAD – Manera anticipa, e programa politico Democracia Cla riba NoticiaCla ta presenta su ultimo edicion cu lidernan politica awe nochi cu e lider di partido politico MEP, sra Evelyn Wever Croes. Durante un ora y mei, e periodista Tito Laclé ta conduci e entrevista cu hopi pregunta riba ultimo temanan di momento y tambe e programa di gobernacion di e partido geel. E programa ta pasa awe nochi 8’or y mei y ta riba e plataformanan di NoticiaCla manera Facebook page, website y App. Riba e ultimo dosnan, bo ta click riba e boton LIVE y ta haya aceso na e programa. No perde!

  • Lider di AVP tabata un ‘no show’ den Democracia Cla riba NoticiaCla

    Lider di AVP tabata un ‘no show’ den Democracia Cla riba NoticiaCla

    ORANJESTAD – Loke mester a bira e di 11 edicion di Democracia Cla riba NoticiaCla cu un lider politico, lamentablemente (atrobe) no a tuma lugar dialuna anochi. Lamentable, pasobra e invitado di turno, lider di partido AVP Mike Eman no a aparece. Ta bisa atrobe, debi cu 4 aña pasa tambe, e mesun lider a opta pa no presenta den e programa. E biaha aki, sinembargo e situacion tabata pior ya cu e biaha aki a confirma no un biaha sino varios biaha, incluso e mesun mainta pa despues atardi keda sin aparece. Cu esaki, e ta bira (atrobe) e unico lider politico cu a keda sin presenta den e programa. 

  • Powered by SETAR