Tin hopi interes pa e reunion di Parlamento di diabierna

Tin hopi interes pa e reunion di Parlamento di diabierna

Posted on 07/30/2020 11:06 am AST | Updated on 07/30/2020 11:13 am AST

ORANJESTAD – Ta mustra cu tur atencion diabierna awor lo ta riba e reunion publico di Parlamento pa trata e falta di confiansa den minister Marisol Lopez Tromp. E diferencia di e reunion lo ta si minister Marisol Lopez presenta of no. Esaki lo determina e duracion di e reunion. E portal aki a compronde cu si e no presenta, e reunion lo ta uno cortico. Si e presenta, e lo ta uno largo ya cu Lopez Tromp lo tin hopi di bisa durante e reunion, manera cu por a compronde. E intencion di e reunion ta pa baha e minister, pero a compronde cu si e presenta, e lo no bay, sin mas, sin un bataya. 

KICO TIN CU SOSODE

E intencion ta pa Parlamento (den e caso aki partido POR) entrega un mocion di desconfiansa contra nan minister. Ta keda na parlamentarionan pa vota pro of no. Den e caso aki, mayoria vota contra, e minister tin cu retira. Loke tabata den discussion tabata si e mester ta presente pa defende su curpa. Esaki a resulta di no ta asina. E reunion por tuma lugar sin su presencia, aunke hopi lo no considera esaki como etico. Pero legalmente e no ta necesario. Ademas, pa e ta presente, e mester ricibi un invitacion di Parlamento y no por djis aparece. Tur esaki a sosode tambe, y e presidente di Parlamento Ady Thijsen a confirma cu a invita e mandatario pa ta presente. 

KICO E VOTO LO TA

Si logra baha e mandatario, ta prome biaha desde status aparte, cu esaki ta sosode na Aruba. Pues e ta bira un reunion di cual su resultado lo por ta uno historico, unda cu pa prome biaha, un parlamento ta vota pa baha un minister y ta logra esaki. Loke tambe ta interesante y un posibilidad, cu no necesariamente esaki ta nifica cu mester haya un otro persona pa reemplaza Lopez Tromp. Pues den e caso aki, legalmente, e persona cu haya e cartera ‘temporal’, por keda cu e cartera aki te proximo eleccion, sin cu mester busca un ‘otro’ persona fisicamente, pa reemplaza Tromp. No ta conoci si POR lo bay di acuerdo cu esaki, pues cu nan lo no kier of por apunta un otro persona pa reemplaza Lopez Tromp. 

BUSCANDO BUELO

Manera e portal aki a raporta caba, Minister Marisol Lopez Tromp te cu diaranson atardi (ora di Aruba) tabata evaluando pa bin Aruba pa ta presente diabierna den Parlamento. Pero no pasobra e mes tabata kier, sino pasobra su yiu muher mayor lo a sugeri y insisti pa e haci esaki.  “Mi yiu ta purba convence mi pa bai” e mandatario a bisa e portal aki diaranson. “ E ta haña cu mi mester tey pa defende mi mes. Ma bise cu ma bin Hulanda cu ne y p’e. E como hoben ta pensa cu si Parlamento kier bahami como Minister, cu mi mester defende mi mes y ta presente y bisa tur cos mane cu e ta” Lopez Tromp a bisa. Pero e biahe no tabata sigur ainda. Riba e pregunta cu si esaki kier men cu e ta bin sigur, su contesta tabata “Bezig ta check booking possible”. 

BIAHE PA HULANDA

Diadomingo ultimo Lopez Tromp a biaha pa Hulanda cu su yiu muher cu ta cuminsa studia eynan na Maastricht. E portal aki a puntre diasabra ainda si e tin pensa di cancela su biahe mirando e situacion cu tin aworaki rond di su persona. Riba esey el a bisa cu e ta bay Hulanda, pasobra e tin cu hiba su yiu. Y asina el a biaha diadomingo. Mientrastanto, e siman aki presidente di Parlamento a programa un reunion publico pa diabierna awor, pa atende cu e asunto aki, esta e mocion di desconfiansa di dos parlamentario di partido POR cu lo mester wordo presenta diabierna awor cu e intencion di retira e minister en cuestion. 

REACCION PRESIDENTE DI PARLAMENTO

E portal aki a puntra e presidente di Parlamento Juan ‘Ady’Thijsen riba e asunto aki. Mas concreto, si el a yama e reunion pa diabierna pa duna e minister chens pa bolbe Aruba. Thijsen a bisa esaki: ” Vanzelfsprekend. Manera semper. Algemeen belang tin cu prevalece. Cada parlamentario y cada Minister ta consiente di su responsabilidad. Nos pais ta den crisis”. Despues a puntra Thijsen, si e reunion por tuma lugar sin presencia di Lopez Tromp, Thijsen a contesta: “Reunion por tuma lugar pero como presidente mi persona por evalua depende e motibo cu e ta duna pa no ta presente”. Lopez Tromp mes a bisa e portal aki ayera cu e ta buscando buelo. No ta conoci si el a logra pero ta mas probable cu si. 

INTERES 

Pues manera indica caba, e interes pa e reunion aki ta halto. Varios comerciante a bisa e portal aki tambe cu nan lo ‘cambia’ nan agenda pa asina nan por sigui e reunion aki. Debi na e regla di COVID-19, ainda no ta permiti publico ni prensa den sala di Parlamento, sino te despues di reces. 

 

  • Deadline pa FASE ta 15 di augustus pa pago di augustus y september

    Deadline pa FASE ta 15 di augustus pa pago di augustus y september
  • Diabierna Aruba mester duna Hulanda su contra propuesta

    Diabierna Aruba mester duna Hulanda su contra propuesta

    ORANJESTAD – Diabierna awor ta D-Day pa Aruba, Corsou y St Maarten pa loke ta e situacion di fiansa pa yuda cu e crisis di COVID-19. Dia 3 di juli ultimo Hulanda y islanan menciona, no a haya otro y unda cu Aruba a logra convence Hulanda pa sigui papia durante reces. Diabierna mientrastanto Aruba mester presenta su contra propuesta na Hulanda pa rijksministerraad (RMR). Awe mainta prome minister Evelyn Wever Croes a confirma na e portal aki cu e tabata 'bezig cu Hulanda', pues su atencion completo tabata riba e tema ey, no obstante cu e ta den cuarentena propio pa COVID-19. 

  • E siman aki decision ta cay riba apertura di aña escolar nobo

    E siman aki decision ta cay riba apertura di aña escolar nobo

    ORANJESTAD - Crisis Team hunto cu e veld di enseñansa, e siman aki ta reuni pa tuma desicionnan riba e aña escolar nobo dilanti porta. E veld di enseñansa ta sigui e desaroyonan nobo di Covid-19 y hunto cu Crisis Team ta bay plania si scol ta habri e siman proximo y con scolnan lo habri si esaki ta e caso. 

  • Yiu di prome minister Wever a test positivo pa COVID-19

    Yiu di prome minister Wever a test positivo pa COVID-19

    ORANJESTAD - Yiu homber di prome minister di Aruba, Kevin Wever a test positivo pa COVID-19. E prome mandatario mes a confirma esaki riba su pagina di Facebook. E yiu ta traha den frontline na airport. Segun Wever, e no tabatin hopi contacto cu e yiu ultimo dianan pues e riesgo pa contagio tabata minimo. Asina mes e lo bay den cuarentena pa 2 siman y sigui traha for di cas. 

  • Aruba a registra 119 caso nobo positivo di COVID-19 riba diabierna

    Aruba a registra 119 caso nobo positivo di COVID-19 riba diabierna

    ORANJESTAD - E cantidad record nobo pa un solo dia di casonan positivo di COVID-19, tabata awe diabierna. Un total di 119 caso positivo riba un solo dia a keda registra for di 829 test haci. Asina prome minister Evelyn Wever Croes a confirma diabierna merdia. El a urgi tur hende pa keda cas y no sali. Segun premier Wever Croes, Aruba por maneha e situacion ainda manera cu e ta bayendo. "Lamentablemente e situacion a sali for di man cu e brote aki, pero mes lihe cu e cifra aki a subi, nos ta determina pa baha nan bek" Wever Croes a sigui bisa. 

  • Oduber: Mas test wordo haci mas caso positivo nos lo identifica!

    Oduber: Mas test wordo haci mas caso positivo nos lo identifica!

    ORANJESTAD - Mas test wordo haci mas caso positivo nos lo identifica! Asina minister di salud Dangui Oduber a bisa diahuebs pa medio di un comunicado. E siman aki tawata hopi rough. E no tawata un siman facil pa gobierno y pais Aruba. No tawata consiente cu nos lo haya casonan nobo tanten Covid-19 tey. Ningun caminda na mundo no tin casonan di Covid. E ta un realidad cu nos mester biba cune.

  • aruba airlines
  • Powered by SETAR