Trump a sugeri pa pospone fecha di eleccion presidencial

Trump a sugeri pa pospone fecha di eleccion presidencial

Posted on 07/30/2020 10:43 am AST | Updated on 07/30/2020 10:43 am AST

WASHINGTON – Loke hopi tabata spera, a sosode diahuebs. Presidente mericano Donald Trump a sugeri pa pospone eleccion presidencial Mericano, indicando cu votamento postal por resulta den resultado fraudulento y no corecto. El a sugeri un posponemento te ora cu hende por ‘vota corectamente, sigur’. Esaki debi na e crisis di COVID-19. Asina e portal Britanico BBC a raporta awe mainta. Sinembargo Trump no tin e autoridad pa pospone eleccion. E poder ta na Congreso cu por haci esaki y tambe stipula e fecha di eleccion.  

  • Camera di persona di Aruba localisa 6 luna despues na Miami

    Camera di persona di Aruba localisa 6 luna despues na Miami

    MIAMI – Un camera perdi di un buceador marino Hulandes di Aruba a keda localisa 6 luna despues, miles di miya mas leu. Tabata un Mericano cu tabata en busca di rastro di un derame di petroleo na costa di Miami, cu a bin localisa e camera cora den un estuche waterproof. Ora cu a bay averigua, a resulta cu e camera a keda transporta pa un coriente di laman di Caribe, y navega pa nada menos cu un turtuga. Aparentemente e camera a cuminsa move pa e coriente y e turtuga a pega den dje. E accion ey lo a activa e camera y esaki a cuminsa filma. Ora cu e Mericano a localisa e camera, a bay averigua mas aleu, y a haya un sin fin di potret riba e camera. Y ora cu e la pone varios di nan riba internet, e la bin localisa e doño di e camera, cu a resulta di ta e marino Hulandes Dick de Bruin, cu ta biba riba nos isla y ta buceador di profesion pa marina. E storia tabata asina interesante cu e la aparece riba e noticiero principal di e cadena Mericano NBC recientemente presenta pa e anchorman Lester Holt . 

  • Jetblue a ofrece ‘cumpra un pasashi, y haya otro pornada’ pa e.o. Aruba

    Jetblue a ofrece ‘cumpra un pasashi, y haya otro pornada’ pa e.o. Aruba

    BOSTON – E aeroliña Mericano JetBlue a inclui Aruba den un pakete di locura di biahe, unda cu si e turista cumpra un pasashi, e ta haya uno pornada. E mester a cumpra e pasashi mas tarda awe dialuna, y mester a keda minimo tres dia. E por ta durante un aña pero cu prohibicion entre cierto fechanan, manera temporada di Thanksgiving y fin di aña esta Pasco y Aña nobo. Un hotel na Aruba ta participa den e programa agresivo di e aeroliña aki. Esaki no ta e prome biaha cu e aeroliña ta haci tipo di gesto di ‘locura’ aki. 

  • Joran van der Sloot a test positivo pa COVID-19 den prison na Peru

    Joran van der Sloot a test positivo pa COVID-19 den prison na Peru

    LIMA – Joran van der Sloot a test positivo pa COVID-19 den prison na Peru.Su famia lo a pidi ayudo cerca embahada Hulandes pasobra no lo tin auudo medico pe. Asina e portal RTL Nieuws ta raporta dialuna. Ministerio Hulandes di asuntonan Exterior a confirma cu e famia a haci un peticion di ayudo. Despues a tuma contacto mesora cu e prison na Juliaca unda cu van der Sloot ta encontra su mes. E prison no a confirma na e embahada Hulandes cu Joran ta positivo pa Corona. Pero ta Joran mes lo a bisa su mama telefonicamente cu e la test positivo y cu e tin tur e simptomanan. “E ta malo y no ta hayando ayudo medico” un familiar a sigui bisa. Tin por lo menos 4 preson y 7  cuidado di preso cu a test positivo na e prison. Si van der Sloot tambe tin e virus, e vocero no por a confirma. Por lo menos un  prisoner a fayece den hospital a consecuencia di e virus. Van der Sloot, e sospechoso principal di desaparicion di e Mericano Natalee Holloway na Aruba na 2005, ta cumpliendo cu un castigo di prison pa morto di un muhero Peruano na 2010. 

  • San Francisco Giants a laga Chatwick Tromp for di ekipo debi na lesion

    San Francisco Giants a laga Chatwick Tromp for di ekipo debi na lesion

    SAN FRANCISCO – E pelotero professional di Aruba Chatwick Tromp no a logra ta riba e roster final di e ekipo di San Francisco Giants di e prome dia di wega pa awe nochi contra Dodgers di Los Angeles. Esaki e ekipo a participa oficialmente diahuebs merdia ora cu nan a publica e lista di 30 hungador cu ta participa. Motibo ta cu e siman aki el a lesion su musculo na pia (hamstring) pa cual e mester rehabilita. Segun e ekipo, nan mester traha pa recupera completamente prome cu por wordo considera pa un posicion den e ekipo. Awe e temporada di 60 wega ta cuminsa, debi na e crisis di COVID-19. Tromp a profila su mes hopi bon, pero mala suerte a bati riba su porta ora cu el a keda ‘leshona’ y awor mester a keda San Francisco pa rehabilita. Tin tur confiansa cu e hungador di Aruba lo por logra y subi riba e lista y bira e catcher di e ekipo. Cu su presentacion Aruba lo tin 2 persona activo den grandes ligas. Actualmente Xander Bogaerts ta e unico cu tin e privilegio ey.  

  • Tormenta tropical Gonzalo a nace y ta bayendo Caribe

    Tormenta tropical Gonzalo a nace y ta bayendo Caribe

    MIAMI  - Manera anticipa, Depresion tropical # 7 a transforma su mes den Tormenta Tropical Gonzalo diaranson mainta algo prome cu 9’or. E ta bira e di 7 tormenta cu nomber caba, apenas 2 luna den e temporada di horcan pa 2020. E ubicacion tabata L 9.9 W N y 43.1 W. cu un forza di biento di 45 miya pa ora y dirigiendo su mes direccion west noord west cu velocidad di 12 miya pa ora. E lo yega panort di Aruba den careda di diadomingo. 

  • Depresion tropical # 7 a nace y ta rumbo pa Caribe

    Depresion tropical # 7 a nace y ta rumbo pa Caribe

    MIAMI – Depresion tropical # 7 a nace diamars atardi, y tabata dirigi su mes direccion west noord west cu velocidad di 13 km pa ora. Segun National Hurricane Center, ta premira cu esaki lo bira un tormenta tropical sea diamars anochi of diaranson. Segun servicio meteorologico di Aruba e depresion ta solamente un molester pa actividad maritimo. 

  • Powered by SETAR