Gobernador George na Corsou a confirma posicion vacante den Parlamento

Gobernador George na Corsou a confirma posicion vacante den Parlamento

Posted on 07/29/2020 3:10 pm AST | Updated on 07/29/2020 3:14 pm AST

WILLEMSTAD – Gobernador di Corsou Lucille George Wout a clarifica un ‘bruhamento’ cu lo a surgi entre parlamentarionan di e isla, referente e posicion vacante cu lo tabatin of no. Gobernador a clarifica pa medio di un carta diahuebs, cu Marylin Alcala Walle a retira y a base di esaki, ta surgi un posicion vacante cu Parlamento mester yena mas liher cu ta posibel pa ‘garantisa democracia’ den e constelacion di Parlamento. Aparentemente durante su combersacion cu lidernan di fraccion un dia anterior, tabatin un ‘pensamento’ eroneo cu lo no tabatin posicion vacante, pa cual no kier a trata e geloofsbrieven di sr Shaheen Elhage. Cu e clarificacion, e ta kita tur duda y habri caminda pa e siguiente reunion por tuma lugar. Si esaki no tuma lugar, no ta descarta cu lo por tuma medida contra Parlamento, manera cu e portal aki a raporta mas tempran den dia. Lesa pagina 1 di e carta AKI, y pagina 2 AKI.   

  • Conocido rapero Hulandes deteni na aeropuerto na Corsou

    Conocido rapero Hulandes deteni na aeropuerto na Corsou

    WILLEMSTAD – E conocido rapero Hulandes ‘Josylvio’ a keda deteni pa polis na Corsou na aeropuerto. Riba imagen di video cu ta circula, por mira con e rapero ta grita e agente policial, cu despues ta pase un wanta fuerte y ta sigui pa su detencion. Riba e tres potret por mira den secuencia tambe con e rapero ta lanta contra e oficial di polis, sigui pa e momento cu e polis ta dal e rapero, y finalmente ora cu e polisnan a detene e rapero.Informacion cu tin ta mustra cu for di yegada di e rapero, e lo a insulta autoridad di aeropuerto, pasobra lo a hala su atencion cu e la trece un PCR test (test contra Covid19) falso. E compania cu ta maneha e publicidad di e rapero a confirma e incidente pero no a bisa kico exactamente a pasa, ni si e ta deteni ainda. Josylvio, cu oficialmente yama Joost Dowib ta yiu di un mama Hulandes y un tata Egipcio. Video cortesia Fawry not Sawry. 

  • Na Corsou Gabinete Pisas a huramente cerca gobernadora awe merdia

    Na Corsou Gabinete Pisas a huramente cerca gobernadora awe merdia

    WILLEMSTAD – Gabinete Pisas a huramenta awe merdia cerca Gobernador George-Wout . Ta trata di pa partido MFK Gilmar ‘Pik’ Pisas cu ta e premier y minister di Asuntonan General (por lo pronto e ta minister di Husticia interino tambe), Charles Cooper Transporte, Trafico y Ruimtelijke Planning (VVRP); Dorothy Pietersz-Janga Salud, Medio Ambiente y Naturalesa,  (GMN), Javier Silvania Finanzas, y presidente di MFK-voorzitter Sithree ‘Cey’ van Heydoorn ta bira minister di enseñansa, ciencia, cultur y Deporte (OWCS). Minister plenipotenciario ta Carls Manuel. Pa loke ta partido Nacional,  Ruthmilda Larmonie-Cecilia (SOAW), Ornelio ‘Kid’ Martina Bestuur, Planning en Dienstverlening (BPD)  y Economische Ontwikkeling (MEO) ta keda vacante ainda. Esaki pasobra dos candidato pa e funcionan cu ta pendiente, no a logra pasa proceso di screening. Ta trata di Edward Braam y Ramon Chong. Ambos pasobra nan tin un asina yama ‘strafkaard’. Potretnan cortesia Dick Drayer. 

  • Bapor crucero Celebrity Millenium a yega Corsou

    Bapor crucero Celebrity Millenium a yega Corsou

    WILLEMSTAD - Kòrsou a risibi e promé barku krusero ku turista na bordo atrobe, despues ku Covid a pone turismo krusero plat. Un ratu pasá Celebrity Millenium a yega Kòrsou. Den kombersashon ku funshonarionan di Curaçao Port Authority nan a indiká ku kontrali na kustumbernan bieu, niun hende no ta subi e barku. Sau Bridgewater a informa ku el a papia ku Richard Gibbs ku a bisa ku nan ta sumamente kontentu ku nan a yega Kòrsou i nan ta masha ansioso pa baha for di e barku. Na tera tur kos ta nechi regla pa asina Kòrsou por risibi e turistanan aki. EXTRA ta deseá taksistanan, trahadónan na waf, pakusnan pa saka lo maksimo i tambe Politur tur pa kontrolá pa tur kos kana nechi. NOTA: E articulo ta scirbi den papiamento fonetico di CORSOU. 

  • Na Corsou, Parlamento a bai di akuerdo pa prolonga ley di emergencia

    Na Corsou, Parlamento a bai di akuerdo pa prolonga ley di emergencia

    WILLEMSTAD – Ayera parlamento a bai “wall to wall” di akuerdo pa prolongá e lei di Estado di Emergensia ku 90 dia mas, esaki kontrali na e promé biaha ku a presentá e lei aki, ora ku e lei a pasa pero no “wall to wall”.

  • Na Corsou formado a entrega relato final; Awe lo discuti esaki cu lidernan

    Na Corsou formado a entrega relato final; Awe lo discuti esaki cu lidernan

    WILLEMSTAD.- Formadó mr Chester Peterson ayera a entrega gobernadó relato final di formashon gobièrnu nobo pa Kòrsou. Gobernadó di Kòrsou sra. Lucille George-Wout a risibí mr Peterson, kaminda a diskutí riba e dokumentonan. Gobernadó a tuma nota di e kontenido pa loke ta formashon di un gabinete nobo. Awe djaweps 10 di yüni lo diskutí e relato final aki lidernan di MFK señor Pisas i ku sra. Larmonie-Cecilia. Despues di esaki lo stipulá e momentu di huramentashon di e gabinete nobo.

  • Fons Simon na Corsou: Banco di Caribe ta stabil i solido

    Fons Simon na Corsou: Banco di Caribe ta stabil i solido

    WILLEMSTAD - Banco di Caribe ta stabil i sólido. Benta di un banko no ta nada straño. Na Kòrsou tin diferente banko a keda bendí i asta ora un banko ta bai bon ta lanta interes. Esaki no ta pone na peliger sèn di klientenan den Banco di Caribe. Esei ta loke por  a komprondé di e CEO Fons Simon.

  • Powered by SETAR