- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
SETAR ta anuncia aumento permanente di Data y introduccion di pakete nobo Postpaid U 60+
(ADVERTORIAL)
ORANJESTAD - Entrante 1 di augustus 2020, SETAR ta ahusta e cantidad di data ofreci den tur su paketenan di Celular y Wireless Broadband.
SETAR tin Prepaid Data Bundles y One Bundles di 1 dia, 7 dia y 1 luna. Por ehempel clientenan cu cumpra un Prepaid Data Bundle di un luna lo ricibi 8 GB enbes di 4 GB. Tur e paketenan di Hybrid y Postpaid U tambe ta conoce aumento di data.
Pa loke ta e paketenan di Wireless Broadband Postpaid y Prepaid esakinan tambe ta conoce aumento di data.
E aumento di data aki ta permanente y sin gasto adicional pa e cliente. Cu esaki SETAR kier sigui mehora e experiencia di su clientenan door di duna nan mas balor pa nan placa y mas data pa disfruta di dje.
Ademas, SETAR ta introduci su pakete Postpaid U 60+ pa clientenan 60+ cu ta desea mas data den nan pakete y na un bon prijs. E pakete Postpaid U 60+ ta consisti di 3000 min pa yamada pa mobil, 100 min pa yamada internacional, fixed y otro provider, 1000 SMS y 10 GB di data.
SETAR su vision ta pa keda innova y trece servicionan nobo na beneficio di nos clientenan. Sigui nos riba SETAR su pagina di Facebook of Instagram pa keda al tanto di nos promocionnan y ultimo noticia.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
