KPA: A detene Richi Danies pasobra e no a sigui orden di polis

ORANJESTAD – Polis a detene ciudadano Richi Danies, pasobra e no a sigui ordo dialuna anochi. Asina vocero di polis Lito Laclé a clarifica diamars pa medio di un comunicado. Segun Laclé, desde e inicio di e protesta di señor Danies mando di Cuerpo Policial tawata den consulta constantemente cu Seguridad Nacional y  Centraal bureau Terrorismebestrijding, Veiligheid en Interpol (NCTVI) y a sigi nan consehonan.

COS A BAY FOI MAN

Ayera (dialuna) Cuerpo Especial Arubano (CEA) cu ta encarga cu e parti di seguridad di e edificionan di gobierno a bati alarma cu e situacion tabata saliendo foi man ya cu a cuminsa set up tent na e sitio. “E momento ey a tuma e decision (pa) manda coleganan na e sitio pa move e personanan . A pidi nan pa kita e borchi, tentnan y banner for di caminda publico. “Cuerpo Policial a duna ordo na señor Danies y otronan pa kitanan y pa bay for di e sitio. Di cual ordo nan no a sigui y pa es motibo (e) a wordo deteni y hiba warda pendiente di mas investigacion” Laclé a finalisa bisando.