Prome Minister Wever na cas recuperando di un operacion chikito

ORANJESTAD – Prome minister di Aruba Evelyn Wever Croes ta na cas, recuperando di un operacion chikito ‘cu no por a warda’. Asina e mes a raporta dialuna atardi riba su pagina di Facebook. 'Maske hopi biaha nos ta lubida riba nos mes pa yuda otro, ta yega un momento cu nos mester pone nos salud prome', e mandatario ta sigui bisa. "Esaki ta un recordatorio pa mi mes, y pa hopi di boso cu mi sa cu no ta pone bo mes prome'. No ta conoci ki operacion el a haci, pero cu e tabata solamente uno chikito cu e mester a haci. No ta conoci cuanto tempo e mandatario lo mester keda cas pa recupera. Algun siman atras, tambe prome minister di Corsou Eugene Rhuggenaath mester a keda cas pa un operacion liher necesario cu a pone cu e la keda un periodo for di circulacion.