Bikker no ta reuni mas cu Lopez paso a ridiculise den prensa

ORANJESTAD – E motibo cu minister Andin Bikker (POR) a bisa cu e no ta sinta mas den reunion cu colega minister Marisol Lopez Tromp, ta e.o. pasobra Lopez Tromp a ridiculise publicamente y a ‘tire bou di bus’. Asina Bikker a bisa e.o. durante conferencia di prensa semanal di gobierno riba e tema di retiro di Lopez Tromp. Segun Bikker, e ta usa e asina yama ‘vertrouwensregel’ pa cual no tin base mas pa traha cu Lopez Tromp. Segun e minister, e ultimo palabra awor ta na Parlamento pa dicidi futuro di minister Lopez Tromp. 

HUMIYACION PUBLICO

Segun Bikker, enbez di busca acercamiento cu parlamentarionan di POR durante periodo di mediation, Lopez lo tabata ataka Bikker (y  minister Chris Romero di MEP) abiertamente den publico. Casonan manera di UTV, y awor Spearfishing, e minister en cuestion lo a ridiculisa Bikker den prensa. “Ta keda bay den prensa, ta keda ridiculisa. Op een gegeven moment houd het op. Anto esey a pone cu ami a bisa siman cu a pasa, cu mi a tuma nota den prensa di atakenan contra mi persona y colega Chris Romero, mi a bisa cu no, ami no por bay sinta den ministerraad cu un persona cu ta smile cu bo den ministerraad y djey e ta bay den prensa ataca bo”.