Atraco arma na un cas na Pos Chiquito

POS CHIQUITO- Diasabra anochi pa 7:40 AC ta informa central di polis cu un atraco a caba di tuma lugar na un cas na Pos Chiquito. Na yegada di e prome patruya por a compronde cu un rato prome dos hende homber cara tapa y tur dos cu arma di candela y papiando papiamento a atraca na e cas. 

A pidi ambulance mirando cu e doño (masculino) di e cas a wordo haya benta abao . Aparentemente e dos atraco lo a pone arma di candea na cabez di e señora di e cas tambe y a bay cu dos cartera y dos cadena di ora. E dos atracadonan tabata tin capuchon preto bisti, cara tapa, jeans largo. Nan lo a huy via e bentanta di e cas . No por bisa den cua direcion nan lo a huy. Atraco Team a presenta na e sitio, polis technico y tambe slachtofferhulp. Cuerpo Policial ta pidi es cu a wak algo of sa algo jama e tiplijn di polis cu ta 11141.