Meteo: Potencialmente awacero por ta pisa den proximo 24 ora

ORANJESTAD - Potencialmente awacero por ta pisa den proximo 24 ora na Aruba. Esaki ta segun boletin di diasabra atardi di Servicio Meteorologico di Aruba. Localmente e awacero por causa algun molester na cierto localidadnan.

TEMPO 

Awenochi: Parcialmente nubla cu un awacero local den marduga y mayan: Parcialmente te hopi nubla cu localmente algo di awacero. Biento: For di generalmente direccion oost i modera; forsa 3 te 4 (12 te 30 km/ora, 7 te 16 nudo). den dia of awacero basta fuerte te fuerte den rafaga; forsa 5 te 6 (31 te 50 km/or, 17 te 27 nudo)

SITUACION GENERAL DI TEMPO PA PROXIMO 24 ORA

Abundante humdedad den area lo produci algun awacero durante proximo 24 ora. Awacero por ta localmente pisa y bai acompaña pa lamper cu strena. Localmente e awacero por ocasiona molester na cierto partinan.

CONDICIONAN MARITIMO/ ESTADO DI LAMA:

Un estado di lama modera te basta bruto ta wordo spera den proximo 24 ora. Olanan lo ta for di oost- noordoost entre 5 pa 9 pia localmente den labaderanan for di oost noordoost. E olanan di mas halto ta na e partinan oost te noordwest.

AVISO/ ALERTA:

Un aviso pa boto chikito ta na vigor. mester tene extra cautela na e partinan oost te noordwest di costa. 

TEMPO TROPICAL SIGNIFICANTE:

Gonzalo a caba na nada den parti zuidoost di Caribe i lo no wordu nombra mas den boletin di tempo.Horcan Hanna ta move den parti central di Golfo di Mexico zuidoost di Corpus Christi Texas y no ta un peliger pa area di Caribe. Potencial di awacero pa proximo 24 ora: 25 te 50 mm; localmente esaki por ta mas.