Curpa di militarnan di crash di helicopter, a yega Hulanda

EINDHOVEN – E curpa di e dos militarnan Hulandes cu un siman pasa a fayece den un crash di helicopter dilanti laman di Aruba, a keda entrega diasabra mainta na nan famianan na Hulanda. E avion militar procedente for di Corsou, a aterisa 1’or ora di Hulanda, unda cu coleganan militar a baha e curpanan  cu bandera di Hulanda for di e avion militar di transporte KDC-10. Militar di marina y forza aereo a forma un cadena honorario.  

COLEGANAN

E dos tripulantenan cu si a sobrevivi e crash, a compaña nan coleganan pa Hulanda. Minister Hulandes di defensa Ank Bijleveld:” Ta terrible loke a sosode. Nos ta hopi afecta y ta biba e momentonan aki den forma intense cu e famia, amigo y coleganan y lo sostene y yuda unda ta posibel”. Coleganan militar staciona na Corsou a haci mesun ceremonia diabierna anochi prome cu e salida di e avion anochi for di aeropuerto Hato. Potretnan cortesia Facebook Koninklijke Marine.