POR no ta negoshando cu minister Lopez Tromp y lo pusha pa su retiro

ORANJESTAD – Partido POR no ta negoshando cu minister Lopez Tromp y lo pusha pa su retiro. Asina e portal aki a compronde di su fuentenan fededigno diabierna atardi laat. E asunto a cuminsa cu un desacuerdo politico a pone cu awe mainta durante conseho di minister, dos minister lo mester a bandona e reunion, y ta relaciona cu e posicion di minister Marisol Lopez Tromp. 

NO KIER SINTA CU MARISOL LOPEZ MAS

E portal aki a compronde cu dos minister no ta dispuesto pa sigui reuni mientras cu nan ‘colega’ minister Marisol Lopez Tromp ta presente. E situacion a sigui tenso den curso di dia, unda cu diabierna atardi laat lo tabatin un reunion entre lidernan di partido MEP, POR y RED. Laat atardi, e portal aki a compronde di fuentenan fededigno cu partido POR lo no ta negoshando cu Marisol Tromp mas y lo pusha pa su retiro. Detayes no ta conoci, pero a compronde cu lo tin presion pa retira minister Lopez Tromp diripiente. Esaki pasobra decisionan den departamentonan cu ta cay bou di su cartera, lo no a cay den bon tera cerca e partido POR. POR lo no ta negoshando cu minister Lopez Tromp y lo pusha pa su retiro. Entre e problemanan cu a causa e rupture final, tabata entre otro e asunto di UTV na Parke Arikok, y e asunto di spearfishing unda cu Lopez Tromp no kier permiti cualkier piscado cu ta, pa haci esaki, a caba completa e obra, segun fuentenan cu a confia esaki na e portal aki. 

REACCION LOPEZ TROMP

E portal aki a tuma contacto cu e mandatario en cuestion, pero no a tabata exitoso den esaki. Keda pendiente pa desaroyonan riba e asunto aki ya cu e ta un noticia den proceso. E potret ta di archivo di noticiacla dia di e anuncio cu POR a pidi retiro di su minister Marisol Lopez Tromp.