Pasaheronan riba avion cu a sinta banda di persona contamina, a bai den cuarentena na Boneiru

KRALENDIJK – Tur persona biniendo Boneiru cu a sinta banda di un pasahero cu a test positivo riba COVID-19 a bai den cuarentena. Asin’ei servicio di Salubridad Publico ta controla si nan tambe ta haña sintoma. Asina e portal aki a compronde di gobierno di Bonaire despues di e suseso di ayera ora cu un avion di Hulanda tabatin un pasahero positivo cu COVID-19 abordo. E pasahero mes tabata un yiu di Corsou cu pues den avion a bin compronde cu e ta positivo pa e virus.

AVION DI TUI

Manera ta conoci, un avion di TUI biniendo for di Hulanda cu destinacion Boneiru, a baha algun pasahero na Corsou. Un pasahero cu a test na Schiphol a resulta di tin e malesa. E resultado a drenta na Corsou ora e avion tabata den laira caba. Tur persona biniendo Boneiru cu a sinta banda di e persona contamina, ta conoci. Nan tur ta bay den cuarentena na un sitio central. Servisio di Salubridad Publico ta tene nan salud na bista. Asin’ei ta proteha salubridad general na Boneiru. Prome cu e avion a sali pa Boneiru a limpi’é na Corsou segun e reglanan di corona. Asin’ei a kita e peliger di contaminacion. Entidad Publico Boneiru a enfatisa cu ta importante cu tur pasahero ta haci un test prome nan bay di biahe y tene 1.5 meter di distancia. Potret cortesia Bonaire.nu