ORANJESTAD – Por lo menos tres gremio comercial di Aruba, den e caso aki AHATA, ATIA y SNBA a pidi gobierno (lesa: prome minister Evelyn Wever) pa comparti e contra proposicion cu Aruba a manda Hulanda siman pasa. Ademas kier pa gobierno comparti detayes di e desaroyonan nobo di negociacion. Y tambe nan kier copia di e master plan prepara pa e plataforma nacional, y tambe cua parti di e reformanan sugeri, ya a wordo poni den ehecucion.
TRANSPARENCIA
E gremionan ta lamenta cu despues cu a haya sa di e documentonan di Hulanda, no tabatin mas transparencia pa cu e loke cu awor e gremionan ta pidiendo. Segun e gremionan, e loke cu gobierno Hulandes a propone, no ta nada nobo y cu den gran parti a keda proponi pa varios organisacion internacional caba.
SIN SUBSIDIO ECONOMIA TA CRASH
Un mensahe cla cu e gremionan a manda pa gobierno, ta cu sin e subsidio cu gobierno ta otorgando pa e sector comercial, e economia di Aruba lo crash. “Pesey nos ta sosten e caminda di dialogo y ta spera pa un acuerdo entre gobierno di Aruba y Hulanda y cu esaki por keda finalisa pronto. “Como representantenan di e comunidad comercial, nos ta semper dispuesto y disponibel pa asisti den cualkier forma necesario pa sigura cu Aruba por surpasa e crisis aki y bira aun mas fuerte” e gremionan a finalisa bisando, indicando cu nan ta spera cu nan por haya e informacion solicita.
GOBIERNO NO POR
Mientras cu e carta a wordo manda awe pa prome minister Wever Croes, e mandatario a indica caba un dia prome, cu e no por cumpli cu e peticion aki, y a anuncia caba cu e la ricibi peticion di otronan pa e mesun cos. Pero cu esaki ta algo cu no por tuma lugar. Y mester tin confidencialidad den e negociacionan aki pa proteha e gobiernonan tambe. Asina cu por comparti informacion, lo haci esaki, pero no por bay comparti documentonan actualmente manera cu gremionan ta pidiendo. Asina e premier a bisa den e conferencia di prensa diaranson anochi. Lesa e carta di e gremionan AKI.
ORANJESTAD – Danki na un di e hotelnan all-inclusive na Aruba, nos isla ta na prome lugar di e top 10 di miho All-inclusive resorts pa famia den Caribe. Por lo menos segun e portal Travel & Leisure. Ta trata di e resort Tamarijn Aruba. Segun e articulo en cuestion, loke ta haci e diferencia den e destinacionan Caribense, ‘ta e abundancia di resortnan increibel all-inclusive’. E ta un forma perfecto pa famia por disfruta. Y ta describi tur e loke e turista por goza di dje. Mester bisa cu e resultado di e top 10 ta basa riba experiencia personal di e escritor di e portal turistico.
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.